1. Khottê tagddechi Sorvesporak vittieta, Punn, khorem vozon taka khoxi korta.
2. Gorvixtt mon'xa fattlean nirbhag asa; Punn lhanvikam kodden zannvai mellta.
3. Prommanikponn mannsugechea mon'xak vatt, Ovisvaxeachem lobaddponn taka nisonttonak pavoitolem.
4. Zhoddttechea disa girestkaiecho upeog zavcho na, Punn promanniponn mornnantlem nivarta.
5. Boreanchem promannikponn tancho rosto nitt korta, Noxtte tanchea svotachea noxtteponnant poddtole.
6. Mannsugechea mon'xachem promannikponn tanchi suotontrai, Visvasghatki svotachea anvdeamnim koidi zata.
7. Noxtteancho visvas tanchea mornna borabor sompta, girestkaiecher visvas dovortoleak kãich mellchem na.
8. Nitik pallo diupi sonkoxttantlo vattovta, Punn, noxtto sonkoxttan poddta.
9. Devak mandinasloleachem tondd xezareachem nisontton, Punn, zannvaiê vorvim promannik surokxit urtolo.
10. Promannikachem ies xarak khoxi korta, Punn, noxtteachea nisonttonak lagon, sogllo lôk khuxalkaien uddiô marta.
11. Promannikachea axirvadan xar voir sorta, ani noxtteachem tondd taka zomnir xevttita.
12. Aplea xezareak unnê nodren polletoleak ok'kol unnem asta; Ginean aslolo apli jib damun dhôrta.
13. Khobrô korit bhonvpi ghutt fôddtta,Visvaxi monis ghutt samballta.
14. Fuddari naslear, êk porza nisonttonak pavta, Bori bud diupi aslear porza surokxa asta.
15. Porkeak zamin ravta to apnnakuch vaitt korta, Zamin tallta to huskea mekllo urta.
16. Gunnest ostori man melloita, koxtti vavr kortolo monis girestkai melloita.
17. Visvaxi mog kortoleak mogacho inam' asta, Dharun monis svotakuch luskonn korun gheta.
18. Noxtteachea vaurachem mol nirxevnni, Promannikponn vompta to khoddegant inam' lunvta.
19. Promannikponn sthapon korta to jivitachea rostear, ani vaitta fattlean dhanvta to mornnachea rostear asa.
20. Sorvespor todd'ddoki kallzak vitteta, Zancheô vattô arôp nasloleô, te Taka mogache.
21. Khoreaninch noxtteak khast laglea xivai suttchona, Punn, promannik mon'xak kãich zaunchem na.
22. Êk somjikai nasloli sundor ostori mhonngê dukrachea gomttean bhangarachi mudi.
23. promannik mon'xacho bhorvanso mhollear fokt boreponn,Noxtteanchê axecho porinnam Sorvesporacho krodh.
24. Eklo Udarponnan duddu vanttta tachi girestkai vaddtta, Dusro imtteponnam korta torui to goribuch urta.
25. Axirvad dita to sukh bhôgtolo, Dusreak dhadoxi korpi apunn svota dhadoxi zatolo.
26. Orôv lipoun santto korta tacher lokacho xirap asta, Vinkta tacher porjecho axirvad asta.
27. Borea khatir vaurta taka upkar favo zata, vaitt sôdta taka fokot vaittuch mellta.
28. Girestkaiecher visvas dovorta to khala apttotolo, Promannik eka rukha bhaxen paletolo.
29. Zo konn ek ghor borê toren choloina, taka varea xivai kãich mellona, ani piso xanneacho gulam'
30. Promannikachem foll, jivitacho rukh: Zannar dusreanche otme jikhta.
31. Zôr Sonvsarant promannik mon'xak favo tem mellta, tôr noxtteak ani patkeak kiteak khast mellchina?
