1. Zo konn xisticho mog korta, to zannvikaiecho mog korta, Je konn chukichi durusti korun ghenant, te pisatt.
2. Promannikak Sorvesporachi doia, ani vaitt ievjitoleak khast favo zata.
3. Krurponnan konnakuch surokxa mellunk na, Punn, promannik mon'xachim pallam halovchinant.
4. Êk huxear ghorkarn aplea ghorkaracho mukutt, Êk loz nasloli ghorkarn tachea haddank ronto koxi.
5. Prommanikacheô ievzonneô mannsugecheô, Noxtteanchim karasthana ghatkeponnan bhôrlolim.
6. Ghatkeachim utram rogot varounk sampllo koso, promannik uloitat tim utram tankam surokxit dovortolim.
7. Êk pavtt dhortorer apttolear noxtte nanch zatat, Punn, promannik mon'xachem ghor ghôtt ubem ravta.
8. Somjikaiê khatir monxak vakanntat, Todd'ddoki kallzacheank fokot beporvach favo zata.
9. Apunn motto mhunnon miroita, punn, jeunk kãich nasta tachea poros êk chakôr aslolo sadho monis odik boro.
10. Promannikak aplea mon'zatinchi doia asta, Punn, noxtteachem kalliz doiamaia naslolem.
11. Aplê dhortorer vaurta tachê lagim jevonn baki astolem, Punn, ginean naslolo vareavelea kolpona fattlean dhanvta.
12. Vaittachea gonnpasant Dev naslolo dhadoxi zata, Punn, promannikachem mull foll dita.
13. Vonttanchea patkant sonkoxttachi rater asta, Promannik koxttantlean bori vatt sôdun kaddtta.
14. Borea vonttancheak zaiteô boreô vostu melltat; vaura pormannem zonn ekleak foll mellta.
15. Pisatt apnnachich vatt nitt mhunnon somzota, Xannom dusreachi bud mandun gheta.
16. Pixeak rokddoch rag ieta, Viveki avoddna tem lipoita.
17. Sot ulovop mhonngê nitik chalon divop, fottkiri govai fokot ghatkeponn.
18. Ovichari utram torvari bhaxen toptat, punn, xanneanchi jib pekovnni haddta.
19. Sot ucharpi vontt sasnnak togtat, Punn fottkiri jib fokot ekuch ghoddi togta.
20. Vaitt ievjitoleachea kallzant fokot ghatuch, ani sovostkaiecheô budi ditat tanchea kallzamnim khuxalkai asta.
21. Prommannikacher koslench vaitt ieunchemna, Punn noxtte odruxttamnim buddun vetole.
22. Fotti martat tea vonttank Sorvespor vitteta; Sotachi vatt choltoleancho to mog korta.
23. Viveki zannvai lipoun dovortat, Pixeanchem kalliz aplem pixeponn porgott'ta.
24. Mhenotin vaurtolea hatamnim odhikar asta; Punn, allxeak zobordostecho vaur favo zata.
25. Husko kalliz zodd korta, Doiall utor tem khoxal korta.
26. Promannik monis eka ixttak vatt dakhoita; Noxtteachim kortubam taka xenddoita.
27. Bekar ravpeak bhazunk savos na; mhenot konnanchii moladik aspôt.
28. Promanniponn jivitak pavoita, murkheponn mornnak vhorta
