1. Ghorchea zhogddeam modem pott bhor mas khel'lea poros sovostkaien khel'lo êk sukho unddeacho kuddko odik boro.
2. Xittuk chakôr, nalaik bhurgea poros odik boro, Aplea dhoniachea daizant taka vantto melltolo.
3. Rupem koddovpachea aidonant zalear bhangar bott'ttin ghalun topastat, Punn Sorvespor kallzanchi porikxa korta.
4. Vaitt adarpi, dusvaxi utrak kan dita, tosoch êk fottkiro beimanacheô khobrô aikota.
5. Goribacheô moskoreô korta to rochnnarak opmanaita, Dusreachea odruxttak hansta taka khast favo zalea xivai ravchina.
6. Zantteleancho mukutt, tanchim natram; Bhurgeancho man tancho bapui.
7. Eka pixeak zannvaiechem utor somzona, tea poros eka kullvontak fottkirem utor somzona.
8. Eka dennem ghetoleak tem ek moladik thik koxem: Tem sogllê vatten taka noxib haddta.
9. Zo konn opman lipoun dovorta to mog vaddoita, Ani ti vost novean voir kaddta to ixttak dhuspottaita.
10. Eka pixacher xembor dhopke marlolea poros Eka somzut mon'xacher Xittkavnni odik probhav ghalta.
11. Noxtto monis fokt bonddachem chint'ta ani krur sondexkara bhair ,dusrea borea mon'xak tachê-xim dhaddchonant.
12. Pixem chalvotolea mon'xa poros eka pilam chorlolea ansvela-xim gelear odik borem
13. Borem vaittan farir korta tanchea gharantlem odruxtt pois zanvchemna.
14. Vad-vivad suru zanvchê suvater, udkacho hunvar sôddlolo boro; tea pasot vad-vivad suru zanvchê adim bond kôr.
15. Opradheank bhogsun niropradheank formonn marop, donuim Sorvesporak vitt haddtat.
16. Eka pisattachea hatant poixeak mol kitem? Ginean nastana zannvai vikti gheunk?
17. Ixtt sogllea vellar mog korta, Punn,oddchonnichê gorjê khatir bhav zolmota.
18. Zo konn gorjê bhair aplea xezareak zamin ravta to ginean naslolo.
19. Dusvaxi monis patkacho mog korta, gorvixtt apnnacher patieta, Nisontton magun gheta.
20. Khottea kallzacheak dhadosponn mellona, Don tonddancho monis nirbhagak sampoddtta.
21. Nirbudhi bhurgeak zolmak haddta to apnnakuch dukhant ghalta, Eka pisattachea bapaik khuxalkai kitem tem kollona.
22. Dhadoxi kalliz, hem khub borem vokhod, umed naslolo otmo, haddam sukhoita.
23. Niticho marg kosllavpak vaitt monis lip-choriam lonch gheta.
24. Gineanachea mon'xa mukhar zannvai asa, Punn, pixeache dolle mellot thoim heddtat ani kiteantui nak buddoitat.
25. Êk pisatt bhurgem bapaichi khont, ani taka zolm ditolê avoik khol dukh.
26. Promannikacher dondd ghalop mhollear êk khun, kullvontak ani udar monacheak khast lavop mhollear onit.
27. Zannvai kitem tem somzota to aplê jibecher tabo dovrunk xokta, Somjikaiecho monis, aplea monachi ovostha xant dovorta.
28. Moneponn samballtolea pixak xanno, ani budvont koso lekhunk xektole; Ani aple vontt bond kortoleak, zannar mhunnon pacharum ieta
