1. Ek xannem bhurgem bapaichi xist samballta, punn ninda korpeak khast lailearui aikoupi nhoi.
2. Borem uloupi mon'xak borem foll mellta, punn, ghatkeacho otmo hinvxecher posovta.
3. Tonddacher tabo jivit surokxit korta, Chodd uloita to xenddta.
4. Allxeak bhuk lagta, punn jevonn asona; Koxtt korpeak pott-bhôr mellta.
5. Promannik fottkirea utrak vitteta, Punn, noxtto bodnami uloita ani nanv ibaddta.
6. Promannikponn nitivontachi vatt rakhta, patok noxtteak nisonttonnak pavoita.
7. Thodde zann, apnnakodden kãich nastana girestachem sonvong kortat, Dusre, khub girestkai asonuim gorib koxe jietat.
8. Girestache duddu tanchê soddvonnek upkartat; Punn, goribak osli koslich dhasti na.
9. Promannik monis jhigjhigtolea uzvadda porim, Punn noxtteacho divo palovta.
10. Mosteponn fokot zhogddim utpon korta, budh ghetat tanchê thaim xanneponn asta.
11. Okosmat mell'loli dovlot sovkas-sovkas komi zait vetoli, Thoddem-thoddem ektthavop hoch girestkaiecho rosto.
12. Ovisvaxeachem kalliz bolliken buddta, Punn, xarti pavlolo anvddo khuxalkai haddta.
13. Utrachi beporva korta to apnnachench nisontton korta, Updesank pallo diupi soddvonn zôddta.
14. Mornnachea fasantlean vattaunk budvontanchi xikovnn jivit divpi zhôr.
15. Bori somjikai upkar jikhta, Punn, ghatmareancho rosto kottin.
16. Somjikaiecho monis zannvaiechea uzvaddant vaurta, punn ginean naslolo aplea pixeponnachem prodorxon korta.
17. Vaitt sondexkar sonkoxttant poddta, visvaxi sondexkar pekovnni haddta.
18. Zo konn xist nakarta, to goribi ani opman jikhta; Zo sudharnni mandun gheta, taka bhovman favo zata.
19. Purnn keloleô itsa, jivak khuxalkai haddtat; Pisatt vaitt adarta tanttlo bhair soronk sôdina.
20. Xanneam borabor bhonvlear xannom zata, pixea vangdda bhonvta tachem nisonntton zatolem.
21. Vaitt, patkeachê fattik lagtolem, Punn, borem promannik mon'xak inam' ditolem.
22. Boro monis apli aspôt aplea bhurgeank dovorta, Patkeanchi girestkai promannikanchea poros pois santtailea.
23. Zorui goribachim xetam khub pik ditat, nit mellona zaun zaiteancho bhosm zata.
24. Vellar boddi uklina to aplea bhurgeanchi vatt laita; Zo konn vellar tanchi sudharnni korta, te tacho mog kortat.
25. Promannik pottbôr jevta, Noxtteachem pott sodanch bhuken ritem urta.
