1. Sorvesporachea hatant razachem kalliz vhanvtea udka sarkem; Apnnak zai tê vatten To tem vôllta.
2. Mon'xak apnnachi chal nitt disot, tori kallzancho tthav gheta to Sorvespor.
3. Sugunni ani nitichem jivit iodna poros Sorvesporak odik manta.
4. Mijaxi dolle gorvixtt kalliz, khotteachi divtti, hem sogllem patok.
5. Mhenôt gheun vavr korpiacheô ievzonnô soglleô follabhorit; uttavollaien vavurtoleacho sogllo vavr nirfôll.
6. Fottkirê jiben grestkai punzaunchi mhollear: mornna pattlean dhanvtoleanchem ubtem polkeponn.
7. Nitivont vostu korunk nhoikartat dekhun, noxtteanchi hinvsa tanchoch nas kortoli
8. Guneanvkari vankddê vatten choltat, Punn, niropradheanchi chal promannik.
9. Eka kijilam korpi ostorê sangatak jielolea poros paddosachea eka konnxeak jielear odik borem
10. Khottea mon'xacho otmo vaitt axeta, to peleak doiall dolleamnim pollena.
11. Moskoriô korpiacher khast poddta tedna sadhea mon'xak zannvai mellta, zannar monis xikovnn gheta tedna, tachi zannai vaddta.
12. Zo Promannik, To khotteachem ghor chotraien polleta; ani khotteak To nisonttonak pavoita.
13. Zo dublleachea uleak kan bhere korta, to apunn-ui ulo kortolo ani tachem konn aikocho na.
14. Gupit keloli bhettovnni rag paloita, Lipun diloli lonch motto xirap haddtta.
15. Nit kelea uprant promannikak khuxalkai bhogta Punn, vaitt kortoleacher akant ieta.
16. Somjikaiechea rosteavelo kuxik sorta to meloleanchê zomatint visôv ghetolo.
17. Movzancho mog korta to konnixttaiek sampoddtta, Soreak ani khospaianchea jivitak lobdota to girest zaunchona.
18. Noxtto promannikak vaitt korta tem takach favo zatolem;
19. Sotavpi ostorechea sangatak jielolea poros eka oronneant ravlear odik borem.
20. Xanneanchea ghorant moladik banddar asta, Punn, pisatt zôddta tem sogllem khaun sompoita.
21. Zo sotan ani kaklutin cholta taka jivit ani man favo zala.
22. Budvont monis podvedaranchea xarak veddho ghalta ani te patietat te kil'le môddun uddoita.
23. Zo konn chotraien uloita to apnnak sonkoxttantlo vattaita.
24. Zo khorkhosaien, gorvan vavurta ani dusreachi porva korina to urmott; khorkhôs ani gorvixtt monis.
25. Aplea hatan kam korunk sôdina, to monis apleachoch ghat gheta.
26. Noxtto allxi, apunn aiz kitem khatolo tench dis-bhôr chintta, ani promannik, konnakuch portinastana hat-bhôr dita, Kiteak tachê lagim khub asta.
27. Noxtteacho teag Sorvesporak vitt haddta, Chodd korun jedna to vaitt hetun dilolo asta.
28. Fottkirea govaiachem nisontton zatolem, Punn, konn borê bhaxen aikonk zannam, taka konnuch ogi korchona.
29. Khotto monis, aplea mukhamollar fottkirem dhaddos dakhoita, Punn, promannik mon'xachim panvlam sodanch mozbut.
30. Sorvespora add mon'xachi zannvai, somjikai ani budh cholona.
31. Zhuza khatir tum tujea ghoddeank toiar korxi, Punn, zoit dita to Sorvespor.
