1. Zannvai apleak ghor bandta; Pixeponn apleach hatamnim tem môddun ghalta.
2. Promannik rosto dhôrta to Sorvesporak bhieta, Zo vankddea rostean cholta, to tachi beporva korta.
3. Gorv pixeanchea tonddantlean bhair sorta, Budvontanche vontt tankam rakhtat.
4. Gorvam nant thoim khavnni na; Mozbut boil astat thoim bhorpur duddu asta.
5. Niz govai fott uloina, Fottkiro govai dôr utrak fotti marta.
6. Fokanner bexttoch zannvai sôdta, Zannvai fokt budhvont lokank favo zata.
7. Pixeakoddlo boroch pois rav, Tuka thoim zannvai mellchina.
8. Somjikaieche monis aplê chalicher tabo dovortat, Punn, pixeanchem pixeponn tankam mellot toxem ximpddaita.
9. Patkam khatir kelolea iodnachim pixe fokannam kortat, Punn, upkar promannikanchea vangdda jieta.
10. Kalliz apli dukh bori somzota, Dusreanchean tujê khuxalkaient vantto gheunk zaina.
11. Noxtteachea ghorachem nisontton zatolem, ani promannikachea tombuchi udorgôt zatoli.
12. Jeô vattô kaim zann nitt mhunnon somzotat, Teoch mornnak pavoitat.
13. Hanxeant legit kallzak khont mellta, ani khoxi dukhak vatt toiar korta.
14. Tovnaxi aplea kortubanchem foll lunvtolo, ani boro monis aplea kortubancho inam' ghetolo.
15. Pisatt monis apnnak sagtat titleim sotmandta, Punn, xittuk monis apunn koso cholta tacher nodor dovorta.
16. Xannom vaittak bhieta ani tem chukoita, Piso urmôtt ani to apnnak chodd budvont mhunnon somzota.
17. Sompeponnim challvota to monis huthutponnanchim kortubam korta, Punn vaitt ievjitolo vitt haddta.
18. Pisat tacho vantto pixeponn, ani xittukachea mukuttak zannvai.
19. Vaittove boreachea mukhar, ani noxtto promannikachea ankddeakodden apli man bagoita.
20. Goribachi ixttak legit ubgonn ieta, Punn girestacho mog kortole zaite asat.
21. Gorjevontak kikont lekhta tachem chukhta, Goribanchi kaklut korta tacher axirvad denvta.
22. Vaitt ievjitat to vaitt ximpddaita, nhoi? Borem ievjitat to visvaxi môg ani thirponn zôddtta.
23. Mottea koxttanchea vaurak sodanch faido zata, Bekar ulovpeak sodanch unnem zata.
24. Budvontacho mukutt, hich tachi girestkai; Pixeancho inam' fokt pixeponn.
25. Sot uloupi govai jiv vattaita, Punn fott uloita to visvasghat korta.
26. Sorvesporachi bhirant hi khoddegant rakhonn; tachea bhurgeank to rakhonn dita.
27. Mornnanchea fasantle suttchê khatir Sorvesporachi bhirant êk jivit diupi zhôr.
28. Chodd lokvosti eka razachi girestkai; Bavti lokvosti raz choloupeache sotianas.
29. Zannvaiechi vhodd govai mhollear razacher tabo dovorop, Sompeponim challvop mhollear pixeponn.
30. Xant kalliz ekê kuddicho jiv, Punn kunnattkai haddank ronto koso.
31. Osoktancher zulumxai korop mhollear Rochnnarak opman, Gorjevontam thaim doiallponn Rochnnarak bhovman dita.
32. Vaitt adarta dekhun noxtteak nettan dhortorer xevttitole, Punn, promannikachea khoreponnak asro favo zatolo.
33. Somjikanchea kallzant zannvai jieta; Ti pixeanchea kallzant mellona.
34. Promannikponn eka desak mahan korta, Patka udexim ak'khea mon'xakullachi doxea ibadd zata.
35. Eka xannea montreacher raza upkar korta, Punn, apnnak lojek ghalta tacher to ragar zata.
