1. Bhangara, rupea ani girestkaiê poros, borem nanv vinchun kadd.
2. Grestachi ani goribachi eka-mekak bhett zata, Kiteak, Sorvespor tancho dogainchoi rochnnar.
3. Xittuk monis sonkoxtt polleun asro gheta, Punn, pisatt fuddem vetat ani trasant poddtat.
4. Zo monis lhanvikaien cholta, taka inam' koxem, Sorvesporachi bhirant, girestkai, man ani jivit mellta.
5. Parpôll mon'xachê vatter kantte ani fas, Aplo jiv samballta to tanchê poros pois ravtolo.
6. Bhurgeank nitt vatt xikoi Zantto zata porian tê vattevelo tim khoddsorchim nant.
7. Girest goribancher sot'tia choloita, Rinnkari rinn diupeacho gulam' zata.
8. Zo onit vompta to sonkoxtt lunvta, To aplea kortubanchem farikponn ditolo, Tachea ragachi boddi sokla poddtoli.
9. Borea monachea mon'xacher axirvad poddtolo kiteak, to aplo unddo durbollank vantt'tolo.
10. Challoupeak dhanvddai ani tachea vangdda kijilam somptolim, toxinch zhogddim ani okman somptole.
11. Zo nitoll kallzacho ani zachem ulovop doiall tacho raza ixtt zatolo.
12. Sorvespor zannvaiecher nodor dovorta, Punn visvasghatkeacho to duspôtt korta.
13. Allxi mhonntta: 'Bhair xinv asa! Mhaka rostear marun uddoitolo!'
14. Pordvari ostorechem tondd êk khol fondd, Zacher Sorvespor ragar asa, to tantunt poddtolo.
15. Pixeponn, tornnatteachea kallzant romblam, Punn, xistichi boddi tem kaddun uddoitoli.
16. Goribak pillta to apli girestkai vaddoita, Girestak dita to gorib zait veta.
17. Tuzo kan di ani budvontachim utram aik, Mhoji xikovnn tujea kallzak lai,
18. Ti zôr tum tujea kallzant dovorxi tuka borem distolem Ti tujea vonttancher khelltoli.
19. Tunvem Sorvesporacher visvas dovorchê khatir, Hanv tuka tache roste dakhounk sôdtam.
20. Hanvem tuka xittkavnneche ani zannvaieche tis ovesvor boroun dovorleat,
21. Khorê vostunchem tuka khoreponn xikovpak, Jea udexim favo tea utramnim tuka dhaddla taka tum zobab diunk xoktoloi?
22. Goribacher hinvsa korinaka, Kiteak to osokt Xarachea darvonttear goribancher zulum' korinaka,
23. Kiteak Sorvespor tanchi rakhonn kortolo, tankam lutt'toleancho jiv kaddttolo.
24. Ragixtt mon'xachi ixttagôtt zoddum naka, Rokddoch rag ieta tacho sangat dhôrum-naka,
25. Teoch vattô tum xikunk pavxi ani tukach tum fasak ghalxi.
26. Dusreak rinnak fiador ravtat, toslea govai ditoleam bhaxen zaum naka:
27. Tujean farik korunk zaina zalear te tujea paiam pondli xendri porian kaddun vhortole.
28. Tujea avoi-bapain ghatlolo ximecho fator upunaka ani dusrê suvater ghali naka.
29. Aplea kamak xittuk asta to razachea kamak pavtolo? To dhakttea mon'xam vangdda urchona.
