1. Dakam soro huskaita ani khoddok soro tuka uchamboll korta;Tanchea fattlean lagta to piso.
2. Razacho rag mhollear xinvanchea goroza sarko; Taka huskaita to apnnakuch vaitt korta.
3. Khoinchoi piso kijilam suru korunk xikta; Tachea poros pois ravop xanneponnachem.
4. Zo allxi xetkamti pavsalleak roina, taka kainch lunvpak mellchemna!
5. Mon'xachim chintnam khôl baintulea udka bhaxen: somzut mon'xacheanuch tim kaddunk xokta.
6. Zaite zann aplo môg visvaxi mhonnttat, Punn, khoro visvaxi monis khoim melltolo?
7. Promanik tim nitt margan choltat Tanchê fattlean ietolim bhurgim subhagi!
8. Raza nit korpachê sodrer boslo mhonnttôch ekech nodren vaitt parkita.
9. Hanvem mhojem kalliz nitoll kelam, Ani mhojea patkantlo hanv nitôll zalam?' Oxem konn mhunnonk xokta?
10. Don torancheô tagddeô: ani mapam Sorvesporak vitt haddttat.
11. Tornnatteachea kortubam pormannem, tacho sobhav boro vô vaitt tem somzota.
12. Ami aikotanv te kan ani polletanv te dolle, amkam Sorvesporanuch dileat.
13. Nhidecho ixtt zauxi tôr tum gorib zatoloi; kam korxi, tuka pott bhor jevonn melltolem.
14. Giraik sodanch vostu mharog mhunnon gunn-gunntat, Punn ghara vetana apnnem kitlem, vanttponn kelem tem chintun khoxi zatat.
15. Moladik thikam ani bhangara poros, zannvaiechim utram odik moladik.
16. Porkeak zamin ravtoleachim agvostram porian kaddun ghetole. Karann to pordexiak zamin ravlolo!
17. Lobaddponnan zôddlolo unddo ruchik asta, Punn, uprant tachem tondd matien bhorta.
18. Eka-mekachi budh gheun keloleô vostu xarti pavtat; Zhuz ikmotin manddunk zai.
19. Zhankpi ghutt bhair fôddta; Dekhun, pixeponnam uloitoleam thaim sombondh dovrinakai.
20. Avoi-bapaicher xirap ghalta tachem jivit dhatt kallokhant dhamplolê vati bhaxen somptolem.
21. Imtteponnan ani vegan ektthailolea daizacher okherek axirvad poddcho na.
22. Hanv tacho bodlo ghetolom'; Oxem mhunnonaka Sorvesporacher patieun rav. To tuka rakhtolo.
23. Don toremnim vozon korpeanchi Sorvesporak vitt ieta, Khottim zokham bori vost nhoi.
24. Sorvespor mon'xachea panvlank margdorxon korta: Na tôr mon'xak aplo rosto koso somzotolom.
25. Devak angovnn korchê poilim niall kôr! Uprant tum trasant poddxi.
26. Budvont raza noxtteank supant asuddtta ani doia-maia dhôrinastana tankam khast laita.
27. Mon'xacho atmo, Sorvesporacho divo zo tacho bhitorlo ghutt sôdun kaddta.
28. Tachi razvôtt promannik boreponnachi ani visvaxiponnachi asta meren, to raza aplea xinvasonar togtolo.
29. Tornnatteachea bollak ami ojaptanv, ani piraien piklolea kensank man ditanv.
30. Thoddê pavtti amcheô sonvoiom bodolpak, amkam khub koxtt bhogtat.
