1. Noxttea mon'xachi kunn'nattkai kori naka tancho sangatui axenaka,
2. Kiteak, te aplea monant hinvsa ievjitat, ani vonttamnim naddbudeô uloitat.
3. Budvontkaien ghor bandum-ieta, somjikaien tem ghôtt zata.
4. Zannvaien ani sogllê torechê girestkaien tem bhôrum-ieta.
5. Bolla von zannvai, ani xokti von ginean xrêxtt;
6. Borê hikmotin zhuz manddchem ani zhuzhacho ies zaitea bud dinnareancher tharlolo asta.
7. Pixeak zannvai mhonngê bhitôr upunk zaina toslo kil'lo: Xarachea darvonttea-xim to aplem tondd ugôddcho na.
8. Vaitt korunk ievjitoleak naddbudincho dhoni mhunnttole.
9. Naddbudi mon'xachim sopnam mhollear patokuch, Taka naddancho dhoni mhunnttole.
10. Vaitt dis, ietat tea vellar tunvem dhir sôddlear, tujea bollacho kosloch faido zanvcho na.
11. Mornnachea fasak sampoddloleacho jiv rakh, Jivexim marunk vhortat taka vattaum-ieta?
12. Zôr tunvem 'hanv nokllom aslom' mhollem tôr (ugddas dôr) tôr kallzancho thav gheta taka tem bore somzuchem na? Tujea jivachi rakhonn kortoleak hachi mahiti na? To zonn-ekleak tachea kornneachem foll diuncho na?
13. Mhonv kha, mhojea puta, kiteak tem borem; Mhonvachê polliechem thembeta tem mhonv chakunk khub ruchik:
14. Ani khorench tujea atmeak zannvai zatoli: Tuka boro fuddar mellunk tika sôdun kadd Ani tuzo visvas modench sompchona.
15. Eka noxttea mon'xak, promannikachea ghora bhonvtonnim vaitt ieuzunk dinakai, tachea ghoracho ibadd kori nakai.
16. Kiteak, promannik sat pavtti poddllearui utthtolo; Noxtte, addkhollink adllun, kednach uttona zaunk poddtole.
17. Tuzo dusman khala poddllo mhunnon xeboi ghalinaka, To dhortorer xevttota tedna tujea kallzak dhadoxi zaunk dium-naka:
18. Hem polleun Sorvesporak tujem vaitt distolem Ani tachêvelo aplo rag tujer kaddtolo.
19. Vaitt mon'xacher ragar zaum naka, Nhoi mhunnon noxtteacher zollum naka,
20. Kiteak, noxtteak fuddar nasta, Noxtteancho divo palovtolo.
21. Mhojea puta, Sorvesporak ani razak bhie; Patkeanchea vangdda misôll zaum nakai;
22. Kiteak okosmat tancher odruxtt ieta, Tancher ani tanchea ixttancher, koslem odruxtt ietolem tem konn zannam?
23. Heô sokoileô budvontancheô mhonnnneô: Niti vellar tondd polleun nit korop borem nhoi.
24. Zôr konn noxtteank 'tujem sarkem asa' mhonntta, tacher porza xirap ghaltoli ani raxtram taka konnttalo haddtolim;
25. Punn, je konn tankam nitt margan haddtat, tankam bhovman melltolo, ani tancher axirvad astolo.
26. Promannik zobab dita tachea vonttancho umo ghe.
27. Uktea mollar, zomnichi borê bhaxen toiari kôr, ani magiruch voch ani tujem ghor voir kadd.
28. Tujea xezarea add fottkiri govai dium-naka, tujea vonttamnim taka fosoinaka.
29. Mhaka xezarean vagoila toso hanv taka vagoitolom' oxem mhunno naka; Zonn ekleachea kornneam pormannem hanv taka farik kortolom.
30. Eka allxeachea xeta koddlean, ani ginean nasloleachea dakanchea mollea koddlean hanv gelam,
31. Jem vaddlolem tem noddnnen bhorlolem, ani kannntteamnim xirkovlolem, ani tachem fatranchem durig kosoll'llolem hanvem pollelam.
32. Hem polletana hanvem nihall kela, Ho dekhavo polleun mhaka ek patt zala,
33. Hanvem mhojea bhitôr mhollem, 'Thoddoch vell nhidtoloi, Thoddoch vell jhemtoloi Uxeak, hatanchi munnoi korun add poddtoloi
34. Tedna tujer parpolla bhaxen goribi, ani bhikarea bhaxen dukôll ietolo.'
