1. Hanga Solomon patxeacheô kaim mhonn'nneô asat. Ezekias nanvanchea Judeachea razachea dorbarantlem utrailam:
2. Vostu lipovpant ani purnnponnim sôdun kaddpant, Devachi mhoima asa, ani razacho onod.
3. (Zoxê bhaxen) sorgachi unchai, ani sonvsarachi kholai ghevop, razachea kallza vori kottin.
4. Rupeantlo mhêll kadd ani tem samkem nirmoll zatolench;
5. Razachea fuddem aslolea noxtteak kadd Ani promannikponnacher xinvason sthapon zatolem.
6. Razachea fuddeant murgottonaka, Vhoddleam modekot zago ghenaka;
7. Kunvrachea mukhar tuka unnak kelolea poros, 'Hanga voir io!' Oxem mhunnon tankam tuka apoum-di.
8. Jem tujea dolleamnim pollelam tem chodd uttavollin govaikek upkarainaka, Tujea xezarean tuka lojek ghalear xevottak tum kitem kortoloi?
9. Tujea xezarea lagim zhogddim kôr. Punn, dusreacho gutt fôddinaka,
10. Tujem aikota to tuka lojek ghalit, Magir tujea nanvancho ibadd bhôrun kaddunk zanvchona.
11. Rupeachea tattan dovorlolea bhangarachea apolam itlem moladik zannvaien uloilolim utram.
12. Zannaran diloleô xittkavnneom bhangarachê mudiê, ani moladik sundor bhangarachê vostum poros vorteô.
13. Lunvnnechea vellar zoxi himachi xitollai, tech porim êk visvaxi sondexkar apunn dhaddun ditolea dhoniak: kiteak to aplea dhoniachea kallza monak khuxalkai haddtolo.
14. Kallzan bhasavnni korta punn, pallina tosle monis: paus dinatoslea pausachea kupam bhaxen.
15. Sosnnikaien eka nitidarak somzaum-ieta: Êk môv jib haddam môddtta.
16. Mhonv mellot zalear pott bhôr kha, punn, pott bhorun vonkta titlem nhoi.
17. Tujea xezareager porot-porot vochonaka, taka tuzo bejear ieun to tujer zollonk xokta.
18. Aplea xezarea vixim khotti govai diupi monis, êk goda, torvar ani pazlolea bhalea bhaxen.
19. Akantachea vellar eka bevisvaxeacho adar mhonngê êk kuslolo dant vô moddlolo pãi koso:
20. Koxttovtolea kallzak gaionam mhunnop mhollear. Hinvanchea disamnim angvostr kadllolea ani ghaiancher xirko votoilolea bhaxen zata.
21. Tuzo dusman bhukela zalear taka jeunk di; Tanela zalear taka pieunk di.
22. Oxem kelear, tachea mathear; pettlolea ujeache inglle ghatlolea bhaxen zatolem; ani Sorvespor tuka inam' ditolo.
23. Ut'torechem varem paus; ani portun diupi jib, kalli nodor haddta.
24. Ekê kijilam korpi ostorê sangata mahalant jielolea poros eka paddosachea konnxeak jielear odhik borem.
25. Poixil'lea ganvantlean ailolê borê khobrê bhaxen; tanel'lea talleak thondd udok.
26. Khodoll zhori vô mhellê nodichea tondda bhaxen; êk promannik monis noxttea mukar apli man bagoita.
27. Zoxem khub mhonv khavop borem nhoi, toxem chôdd man sôdtolea bhaxen borem nhoi.
28. Svotacher tabo naslolo monis: ek uktea ani durig naslolea xara bhaxen.
