1. " Konnui aplea gorvantli ektarachi bhett korunk sôdta zalear, temz onavor koslench khot nastana, êk boil vô gai zaunk zai.
2. To monis hom'-boliechê tokler aplo hat dovortolo, ani Sorvesporachea Tombuchea dara-xim ti martolo. Aaronachê ritiche iadnik tichem rogot vedichea charui vattamnim xinvraitole
3. ani zonavorache, he kuddke Sorvesporak bhettoitole: pottantli soglli chorob,
4. mutpariô ani tanchi chorob, ani kallza-figdacho boro to kuddko.
5. Hem sogllem iadnik vedir hulpaitolo. Hê bhettecho pormôll Sorvesporak mandta.
6. Menddram-bokddi hê bhettek haddit zalear, purus vô stri zaum-iet punn taka koslench khot asunk favona.
7. Menddrantlem zalear,
8. bhettoita to zonavoracher aplo hat dovortolo ani Tombuchea fuddeant tem martolo. Iadnik tachem rogot vedichea charui vattamnim xinvraitole
9. ani Sorvesporak tache he kuddke: soglli chorob, xempddi konneachea hadda-xim porian katrun, pottantli soglli chorob,
10. chorbê-soit donui mutpariô, ani kallza-figdacho boro to kuddko bhettoitole.
11. Sorvesporak bhetoil'lea hulpail'lea bolidanacho dom'domit pormôll koso, Iadnik he soglle kuddke vedicher hulpaitolo.
12. Tachem dan êk bokddi zalear, to ti Sorvespora mukhar bhettoitolo,
13. to boliechê tokler aple hat dovortolo ani Zomatichea Tombu mukhar, ti jivexim martolo ani Aaronachi pillga tichem rogot vedi sobhonvtim ximpddaitoli.
14. Sorvesporak bhettoil'lea hulpailolea bolidanachem to hem bhettoitolo: pottantli soglli chorob,
15. donui mutpariô ani tanchi chorob, penkttachi chorob, kallza-figdak ani mutpariank asloli chorob.
16. Sevek asta to iadnik tem sogllem vedir hulpaitolo, ani tem Sorvesporak mandta toslem khann zaun astolem.
17. Soglli chorob Sorvesporachi. Israel-bhavarthean chorob zanv rogot khaunchem nhoi; ho kaido sorv Israel porjen sodankal samballunk zai.
