1. Israel porjen samballunk, Sorvesporan Moizesak hi xikounn dili:
2. "Gorbhest ostori prosut zaun, êk bhurgo zolmolea uprant, ti sat dis porian oxud'dh, zoxi ti mhoineachea rogt-somoiar oxud'dh.
3. Atthvea disa, bhurgeachi sunôt korchi.
4. Magir ti aninkui tet'tis dis oxud'dh urtoli, ti sarki rogta-meklli zai porian. Hea mhonnosor, ticho xudh'dhicho dis porian, tinnem kitench povitr afuddchem nhoi, nhoi mhonn povitr Sthanant bhitôr sorchem nhoi.
5. Tika cheddum zolmolea uprant, ostori chovda dis porian oxud'dh, zoxi ti rogt-somoiar oxud'dh. Magir ti aninkui sansôtth (66) dis, sarki xud'dh zai porian, oxud'dh urtoli.
6. Ticho xudh'dhi korcho dis ietôch, tichem foll cheddo vô cheddum zanv, ti Sorvesporachea Tombuchea darar, iadnika-xim,v orsacho êk menddro hom'-bhettek, ani êk kovddo vô parvo farikponnachê bhettek gheunk ietoli.
7. Iadnik tika Sorvespora mukhar bhettoitolo, ani tichê xudh'dhek formailoli rit palltolo, magir ti riti pormannem xud'dh zali. Tôr, hem ekê ostoren porsut zalea uprant korunk zai.
8. Êk menddro haddunk tika tank na zalear, don kovdde vô don parve gheun ti ietoli, êk hom'-bhettek ani dusro farikponnachê bhettek ani iadnik formailolê riti pormannem tichi xudh'dhi kortolo, ani ti riti pormannem xud'dh zali.
