1. Uprant Sorvesporan Joshuak mhollem: ‘Bhieum naka ani Boddgonaka. Tujea borabor zhuzpi mon’xank vhor. Utth! Ai xara add chol. Polle, Hanvem Ai-ichea razak, tachê porjek, tachea xarak ani tachea desak tujê adhin keleat.
2. Jerikek ani tachea razak kelem toxem, tunvem Ai xarak ani tachea razak korunk zai. Ekuch mhal tum vhortoloi to mhollear zhuzant luttlolo mhal ani zonnavoram. Xaracher akromonn korcheak, tunvem tachê fattlean lipun ravchem.’
3. Sogllea zhuzpi mon’xank gheunJoshua Ai xara add cholunk laglo.Joshuan tis hozar bollixtt mon’xankvenchun kaddle ani oxi adnia diuntankam ratchea kallokhant dhaddundile.
4. ‘Chotrai dhôrat! Tumi xara laginch, xara pattlean lipun ravchem ani sogllo vêll zagrut ravchem!
5. Hanv ani mhojê borabor axil’li soglli porza, xarant bhitôr sortoleanv, ani poilim ail’lo têch bhaxen jedna Ai-cho lok amchê add ietolo, tedna ami tanchê sorxil’lim pollun vetoleanv.
6. Tedna, tim amchea pattlean ietolim ani ami tankam xara bhair vhortoleanv. Poilê pautt pollun gelim toxinch tim atam-i amchê sorxil’lim pollun vetat oxem tim apnnach bhitôr mhonnttolim.
7. Tedna, tumi lipun ravil’lea zageavele bhair sortoleat ani xar tabeant ghetoleat. Sorvespor tumcho Dev tem tumchê adhin kortolo.
8. Dês tabeant ghetôch, Sorvesporachea adniank pallo diun tumi taka uzo ghalcho. Borem tôr, heô asat mhojeô adnia.’
9. Joshuan tankam dhaddun dile ani tannim ghuri ghalpa khatir lipun ravunk apli vatt dhôrli ani Ai-ichê ostomek, Bethel ani Ai modekot aplo zago ghetlo. Joshuan loka sangata rat sarli;
10. Dusrea disa, sokallim fuddem uttun, tannem lokachi mêznni keli ani Israelachea zantteam borabor, tanchê mukhar, Ai xarachê vatten cholunk laglo.
11. Soglle zhuzpi tachê borabor xarache mukhavelean vochunk lagle ani tanche ani xara modem axil’lea falkeant, Ai xarachê ut’torek tãnnim pennem kelem.
12. Joshuan panch hozar dadleank vhele ani xarachê ostomtek Bethel ani Ai xara modekot tankam lipoun dovorle.
13. Porjen mukhi tombu xarachê ut’torek bandlo ani xarachê ostomtek ghuri ghalpa khatir lipun ravunk addôs bandlo. Tê rati Joshua falkea modekot gelo.
14. Ai xarachea Razan hem pollelolem; xarantlo lok sokallim fuddem utthlo ani Arabah vatten aslolê denvter razan ani sogllê tachê porjen Israela add zhuzchê khatir sottasott bhair sorlo; punn xara pattlean ghuri ghalpa-khatir lipun ravunk bandlolea addosachi taka khobor nasli.
15. Joshuan ani sogllea Israelan har khaunchem dong ghetlem ani tim rosteavelean oronnea vatten dhanvunk laglim.
16. Xarantlo sogllo lôk ektthaim ieun, tanchê pattik laglo ani Joshuachi patt dhôrtana to lok xara bhair pavlo.
17. Israela-pattlean dhanvtana, Ai-nt vô Bethelant ekloi monis urlona. Tãnnim xar rak'khonddara viret sôddlem ani tim Israelachê pattik laglim.
18. Uprant Sorvesporan Joshuak mhollem, ‘Tujea hatant axil’lo balo Aiichê vatten dak'khoi, kiteak Hanv xar tujê adhin korchom asam.’ Joshuan hatant axil’lo balo xara vatten dak'khoilo.
19. Joshuan hat ubartanch, guri ghalpa-khatir addosak lipun ravlole monis, thoinsorle bhair sorle, fuddem dhanvle, xarant bhitôr sorle, tem aplea tabeant kelem ani rokddoch taka uzo ghalo.
20. Ai-ichea mon’xamnim pattim vollun pollelem tedna tannim xarantlean mollbar dhunvor choddta to pollelo. Tankam konnakuch khoinchech vatten dhanvunk boll zalem na kiteak oronnea vatten dhanvtalo to lok tanchê pattlean ailo.
21. Guri ghalpa-khatir addosak lipun ravlolea mon’xamnim xar aplea tabeant kortôch, ani xarantlean dhunvor ieta to polletôch, Joshua ani sogllem Israel portolem ani Ai-ichea mon’xancher akromonn kelem.
22. Her tankam adar diunchê khatir xarantlean aile ani donui bazum-nim ravun, Israelitamnim Ai-ichea mon’xank veddho ghalo.
23. Konnakuch jivo dovrinastana ani konnakuch pollun vochunk dinastana Israelitamnim tankam zomnir xevttile; punn Ai-ichea razak jivo dhôrlo ani Joshua-xim haddlo.
24. Ai-ichea xarant vosti korpi soglleank, uktea moidanar tankam dhanvddaun vhel’lea oronneant, jivexim martôch ani soglle torsadik bolli poddtôch, ak’khem Israel Ai-xarant portun ailem ani tachê urlolê sonstik marun uddoili.
25. Tea disa marun uddoil’lea Ai-ichea lokacho ankddo, dadleank ani bailank dhôrun bara hozar aslo.
26. Ai-int vosti korpeanchem sarkem nisontton zai-sor, Joshuan balo dak'khoitolo aplo hat pattim ghetlona.
27. Mhal koso Sorvesporachê hukumê pormannem Israelan fokt hea xarantlo zhuzant luttlolo mhal ani zonnavoram vhelim.
28. Joshuan Ai xar lhasun uddoilem ani tachem sasnnak nisontton kelem ani aiz porian tem padd zalolem asa.
29. Sanj zaisôr tannem Ai-ichea razak eka zhaddak humkollailo punn suria poddlo toso tachi meloli kudd zhaddaveli kaddunk tannem hukum’ dilo. Uprant ti xarachea fuddlea darvonttea-xim uddoili ani tachê voir êk fatrachi ras ubi keli. Hi ras aiz porian asa.
30. Sorvesporachea sevokan, Moizesan, Israelachea dhuv-putank formailolem toxem, Joshuan Ebal dongrar Sorvespora, Israelachea Devachea manak êk vedi bandli; Moizesachê Somurtichea Pustokar boroilolem asa tea pormannem ‘tasunk naxil’lea fatramnim, lokhonddachea hatiaran toiar korunk naxil’lea fatramnim bandloli vedi’ ti. Hicher tãnnim Sorvesporak hulpailolim bolidanam ani xantiche hom’ bhettoile.
32. Moizesan Israel porjechea dolleam mukhar, Moizesan boroil’lê somurtichi êk proti Joshuan fatrincher boroun kaddli.
33. Tedna arkpettechea donum-i kuximnim, ani Sorvesporachea korarachi arkpett ubarun haddloli tea Levit iadnikamnim fuddo korun, ak’khi Israel porza zaum zolman Israelit, zaum pordexi- aplea zannteam, odhikariam ani fuddariam soit ubi ravli: Israel porjek axirvad diunk Moizesan, Sorvesporachea chakran poilim thaun formailolem toxem ordo lôk Gerizim’ dongra mukhar ani ordo lôk Ebal dongra mukhar ravlo.
34. Uprant, Somurtichea pustokar boroilolem asa toxench Joshuan Somurtichim sogllim utram vachlim-axirvadachim toxench xirapachim utram.
35. Israelachê ak’khê Sobhê mukhar, bailank ani bhurgeank toxench porjê modem jietolea pordexiank legun dhôrun, Joshuan Moizesan formailolea kaideantlo êk punn vachinastana sôddunk na.
