1. Jedna hi khobor Hazorchea raza Jabinachea kanar poddli tedna tannem Meromchea raza Jobabak, Shimronchea razak, Akshafchea razak, Ut’torechea dongri vattarachea Dok’kin Kinnerothchea, sokoilea mollanchea, ani Ostomtê vatten axil’lea Dorachea razank.
3. Udentik ani Ostomtê vatten aslolea Kanaanitkarank, dongri vattarantlea Amoritank, Hititank, Perizzitank ani Jebusitank; ani Mizpechea Hermonachea tolla axil’lea Hivitkarank, utor dhaddlem.
4. Doriachê renvê itlea lokachi urponz ani sobar ghodde ani ghoddesvarani tanchê borabor tancheô fouzô bhair sorleô.
5. Tharail’lea zagear melltôch, he soglle raza aile ani Israela add zhuzchê khatir Meromchea Udkam-xim pennem kelem.
6. Sorvesporan Joshuak mhollem: ‘Tankam bhieum naka kiteak faleam heach vellar Hanv tankam, kuddkean kuddke korun, Israelachea adhin kortolom. Tanchea ghoddeank tum panglle kortoloi ani tanche ghoddesvar lasun uddoitoloi.’
7. Aplea zhuzareank gheun Joshuan tankam Meromchea udkam-xim ovchit dhôrle ani tancher akromonn kelem.
8. Sorvesporan tankam Israelachea adhin kele ani tãnnim tankam marun uddoile; ani vortea Sidona, ostomtechea Misrefotta ani udentichea Mizpah Valla porian tannim tanchi patt dhôrli. Sogllea dusmanank marisor te zhuzot ravle.
9. Ani Sorvesporan sanglolem toxem Joshuan tanchea ghoddeank panglle kele ani ghoddesvor lasun uddoile.
10. Uprant Joshua portolo ani Hazor aplea tabeant korun, tachea razak tolvarin marun uddoilo. Adlea kallar Hazor sogllea razvôttkeanchem rajdhani xar aslem.
11. Tolvarin tãnnim soglleank marun uddoilim. Ekleak porian jivo dovorlona ani Hazor xaracho lasun gobor kelo.
12. Sorvesporachea chakra, Moizesan hukum’ ghalolo toso, tolvarin Joshuan hea sogllea rajki xaranchem ani tanchea razanchem nisontton kelem.
13. Tori, Joshuan laslolea Hazor nograk sôddun, dongurler aslolo anink khoinchoch nogor Israelan laslo na.
14. Hea nograntlo sogllo lutticho mhal ani zonavoram porian Israelkaramnim apnnank vhelo. Punn tãnnim sogllea mon’xank tolvarin sarkinch marun uddoilim. Ekleak porian jivo soddlona.
15. Sorvesporan aplea chakra Moizesak hukum’ dil’lo toso Moizesan Joshuak dilo, ani Sorvesporan Moizesak adnia dil’li tantlem sogllem pallun Joshuan to xarti pavoilo.
16. Oxem, Joshuan ak’kho dês jikhun ghetlo: dongri vattar, ak’khem Negeb ani Goshen xar, sokoilem moll, Arabah, Israelache dongri vattar ani tachim sokoilim mollam.
17. Seira vatten voir sortolea Halak dongra thaun, Hermon dongra tolla aslolea, Lebanon falkeantlea Baal-Gad porian, tannem sogllea razank marun uddoile.
18. Zaite dis Joshua hea razancher zhuzlo.
19. Gibeonant ravpi Hivitkarank sôddun anik konnench Israelitam lagim xanti keli na. Punn her soglleank zhuza vorvim tabeant kelolim.
20. Kiteak Sorvesporan Moizesak sanglolem toxem tãnnim Israelak zhuzunk laun, tancho sarkoch bhosm zaunchê pasot ani tankam koslench boreponn mellona zaunk, Sorvesporan tanchim kallzam dharun korunk ievjil’lem.
21. Tea uprant Joshua Hebronachea, Debirachea, Anabachea, Judachea ani Israelachea dongri vattarant gelo ani Anakim’ nanvachê pelvonn zaticho bhosm kelo. Tannem tanchem ani tanchea xaranchem sarkem nisontonn kelem.
22. Gaza, Gath ani Ashdod sôddun Israelitkaranchea pranthamnim Anakim’ zatiche konn urle na.
23. Sorvesporan Moizesak sanglolem toxem Joshuan ak’kho dês jikhun ghetlo ani aplea kullam modem vanttchê khatir, Israelak daiz koxem dilo. Oxem zhuz somplem ani desak xanti mell’lli.
