1. Ani Sorvesporan Joshua kodde uloun mhollem:
2. Israelachea putam kodde uloun oxem sang Moizesa vorvim tumkam sanglolem toxem tumchê khatir Alaxireachim xaram nemat;
3. Abhgati ani ieuzunk naslolea khunnacho zaka guneanv asa tannem thoim alaxiro gheunchê khatir, rogtacho sudd ghetil'lea sorxil'lo pollun vechem.
4. Hantuntlea eka xarant tannem pollun vechem; xarachea darvonttea-xim, tannem xarachea zantteam mukhar aplo kottlo manddcho; te taka bhitôr ghetole ani apnnam modem ravunk taka zago ditole.
5. Zorui rogtacho sudd gheupi tachê pattik lagot, tãnnim guneanvkarak tachê adhin korcho nhoi kiteak tannem aplea peleak muzrot jivexim marunk na ani tea adim tacho rag dhorlona.
6. Sobhê mukhar nitik ubo ravo porian, ani tea disamnim thoim axil'lo porom-iadnik morosor, to tea xarant ravtolo; tea uprant pollun gel'lea xarant thaun to aplea khaxea xarant ani ghorant portotolo. '
7. Ani tãnnim Nafatalichea dongrar, Galileiant aslolem Kedesh, Efraim dongravelem Shekem' ani Judachea dongravelem Kiria-tharba, mhonngê, Hebron- him xaram nemlim.
8. Jordanachê udentik, Jeriko samkar, oronneachea mollar, tãnnim Reubenachea kullantlem Bezer, Gadachea kullantlem Gileadachem Ramoth, Manassechea kullantlem Bashanachem Golan- him xaram venchun kaddlim.
9. Him sogllim xaram sogllea Israelitam khatir ani tanchê modem aslolea videxiam pasot nemun dovorlolim; konnachea-i mathear ieuzunk naslolea khunnacho guneanv aslo, tannem, sobhê mukhar apli nit zaisor thoim pollun vochum ietalem ani rogtacho sudd gheupeachea hatantlo apnnakuch vattaum ietalo.
