1. Gothram pormannem Judachea kullak zo bhag mell’llolo to Zin oronnea thaun Dok’kin Kadesh meren Edomachê ximê lagsar aslo.
2. Tanchi dok’kini xim’, dok’kini khaddi vatten, Mittachea Doriachea thondda-xim suru zatali.
3. Dokhinni vatten bhair sorun ti vinchuchê choddter geli, Zinantlean vochun Udenti vatten voir sorun, Kadesh-Barneant pavli. Ani Hezronantlean cholun, Addar xarantleam Karka vatten ghunvli.
4. Thoim thaun Azmonachê vattentlean, Ejiptachê nodint geli ani doria meren pavli. Hi zaun asa tumchi dokhinnichi xim.’
5. Mittachea Doria thaun Jordanachea thondda meren Udentichi xim’ asli.
6. Ut’torechi xim’ Jordanachea thondda xim suru zatali. Ti Beth-Hoglah porian geli, Ut’tor Beth-ha Arabahnt bhitôr sorli ani Reubenachea puta Bohanachea fatra-xim geli.
7. Uprant xim’ Akor Falkea thaun Debir geli ani nodichê dok’kinnik aslolea Adummimchê choddnnechea fuddlean fatrachea attea-xim ut’torek ghunvli. Xim’ En-Shemeshachea udkam-xim geli ani En-Rogelant bhair sorli.
8. Uprant ti Ben-Hinnom Falkea-xim fattim geli ani dok’kinintlean ieun Jerusaleant Jebusitanchem xar aslem thoim pavli. Ani ostomtecho Hinnom vall sôddun Refaim Falkeachê Ut’torek dongra matheavelean voir sorli.
9. Dongrar thaun xim’, Neftoachea Udkam-xim zhori bhonvtim gunvli ani Efron Porvotachea xaram-xim geli ani uprant Baalah, Kiriath-Jearim pavli.
10. Baalah thaun xim’ ostomtê vatten Sairachea dongurleamnim geli, ani Kesalon mhonnlolea Jearim’ Dongrachê Ut’torê denvter pavli. Beth-Shemesh denvli ani Timnahtlean,
11. Ekronachea ut’tor xarant bhair sorli, Shikerona vatten geli ani Baalahchea dongurleam vatten vochun, Jabneel bhair sorli ani doria meren pavli.
12. Ostomtechi xim’ mhollear Vorixtt Doria. Judasachea putank gotram pormannem veddho ghalpi heô ximô.
13. Joshuak Sorvesporan dil’lea hukuma pormannem Jefunnehchea puta Kalebak Judachea puta modem vantto mel’lo: Kiriath Arba, mhonngê Hebron, vô Anakachea bapaicho nogôr.
14. Anakachê pillgentlea tachea tegam putank, Sheshai, Ahiman ani Talmai, hankam Kaleban bhair dhanvddaile.
15. Thoim thaun to Debirant vosti kortoleam-xim gelo. Kiriath-Sefer’ hem Debirachem adlem nanv.
16. Uprant Kaleban mho-llem: ‘Zo monis Kiriat-Seferacher akromonn korun tem jikhun gheta, taka potin koxi hanv mhoji dhuv Akshah ditolom.’
17. Kalebachea bhava Kenazachea puta Othnielan tem jikhun ghetlem ani Kaleban aplê dhuvê Akshak tachi potin koxi dili.
18. Ti aili tedna, tannem tika bapai-kodde xet magunk agro kelo, punn jedna ti gaddva veli denvli ani tichea bapain tika vicharlem ‘kitem zalam?’
19. tinnem, taka mhollem: ‘Mhaka axirvad di! Negeb hi suvat tunvem mhaka dilea toxeô Mhaka udkacheô zhori di!’ Kaleban tika zai tem dilem: unchleô toxench sokoileô zhori.
20. Hem aslem tanchea ghorannea pormannem Judachea putanchea kullachem daiz.
21. Negebant Edomachê ximê lagsar, Judachea putanchea kullache nogor he: Kabzeel, Arad, Jagur,
22. Kinah, Dimon, Aroer,
23. Kedesh, Hazor-Ithnan,
24. Zif, Telem’, Bealot,
25. Hazor-Hadattah, Kiriath-Hezron-mhonngê, Hazor,
26. Amam’, Shema, Moladah,
27. Hazar-Gaddah, Heshmon, Beth-Pelet,
28. Hazar-Shual, Beersheba ani tache nogor,
29. Baalah, Iim, Ezem’,
30. Eltolad, Kesil, Hormah,
31. Ziklag, Madmannah, Sansannah,
32. Lebaoth, Shilhim, Ain ani Rimmon: soglle mellun ekunn’tis nogor ani tanche ganv;
33. Sokoilea mollancher: Eshtaol, Zorah, Ashnah,
34. Zanoah, En-Gannim, Tappuah, Enam’,
35. Jarmuth, Adullam, Soko, Azekah,
36. Xaaraim’, Aditaim’, Ha-Gederah ani Gederothaim’: soglle mellun chovda nogor ani tanche ganv.
37. Zenan, Hadasha, Migdal-Gad,
38. Dilean, Ha-Mizpeh, Jokteel,
39. Lakish, Bozkath, Eglon,
40. Kabbon, Lahmas, Kitlish,
41. Gederoth, Beth-Dagon, Naamah ani Mak’kedah: soglle mellun solla nogor ani tanche ganv.
42. Libna, Ether, Asham’,
43. Ifta, Ashnah, Nezib,
44. Keilah, Akzib ani Mareshah: soglle mellun nnov nogor ani tanche ganv.
45. Ekron, tache vattar ani ganv.
46. Ekron thaun doria meren, Ashdod vatten aslolem sogllem ani tache ganv,
47. Ashdod tachê vattar ani ganv; Ejiptachê Nodi meren, Vhoddlo Doria xim’ koxi dhôrun, Gaza tache vattar ani ganv.
48. Voilea mollancher: Shamir, Jattir, Soko,
49. Dannah, Kiriat-Sefer, atam Debir,
50. Anab, Eshtemoh, Anim’,
51. Goshen, Holon ani Giloh: ikra nogor ani tanche ganv.
52. Arab, Duma, Eshan,
53. Janum’, Bet-Tappuah, Afekah,
54. Humtah, Kiriat-Arba, atam Hebron, ani Zior: nnov nogor ani tanche ganv.
55. Maon, Karmel, Zif, Juttah,
56. Jezreel, Jokdeam’, Zanoah,
57. Ha-Kain, Gibeah ani Timnah: dha nogor ani tanche ganv.
58. Halhul, Beth-Zur, Gedor,
59. Maarath, Beth-Anoth ani Eltekon: sov nogor ani tanche ganv. Tekoa, Efrathah, atam Bethlehem’, Peor, Etam’, Kulon, Tatam’, Sores, Karem, Gallim, Bether ani Manak: ikra nogor ani tanche ganv.
60. Kiriat-Baal, mhonngê, Kiriat-Jearim’, ani Rabba: don nogor ani tanche ganv.
61. Oronneant: Bet-Arabah, Middin, Sekakah,
62. Nibxan, Mittachem Xar ani En-Gedi: sov nogor ani tanche ganv.
63. Punn Jerusaleant ravtolea Jebuzitank bhair ghalunk Judache put xoklenant. Mhonnttôch, te aiz porian, Judachea putam borabor, Jerusaleant ravtat.
