1. Juzechea putanchem daiz Jerikechea fuddlean Jordanachê udentik suru zaun Jerikechea oronneant bhitôr sorun Bethelchea dongurleam meren pavlem;
2. Bethel thaun Luzant gelem ani Atarothant Arkitachê ximê meren pavlem.
3. Uprant Sokoilê vatten ani ostomtê vatten Jafletichê ximê thaun Sokoilea Beth-Horonachê ximê porian ani Gezer thaun doria meren pavlem.
4. Hem aslem Juzechea putam, Manasseh ani Efraimachem daiz.
5. Efraimachea putanchea pranta vixim, tanchea daizachi xim’ Ataroth Arak thaun Unchlea Beth-Horona meren geli.
6. Uprant xim’ doria porian pavli... Ut’torek Mikmethath, ani xim’ udenti vatten Tanaath-Shilohak gunvli ani tech dixeô utrun, udenti vatten Janoah pavli;
7. Janoah thaun Ataroth ani Naarath aili, Jerikeak tenkli ani Jordanant sompli.
8. Ostomtê vatten, Tappuah thaun, xim’ Kanahchea udkam-xim vochun doria meren pavli. Hem aslem Efraimachea putanchem daiz.
9. Manassechea putanchea daiza bhitôr, Efraimachea putank rakhun dovorlolea nogram bhair, he soglle nogor ani tanche vattar.
10. Gezerant ravpi Kanaanitkarank tãnnim bhair dhanvddaunk nant. Aiz porian tim Efraimant asat punn zhodd vaur kortat.
