1. Israelkaramnim Jordan nodichê udenti aslolea razancher akromonn kelem ani Arnon nodi thaun Hermon dongor porian asloli svat ani toxench Udenti vatten aslolem ak’khem moll aplea tabeant kelem. Israelkaramnim hea razank jivexim marlole.
2. Eklo Heshbonant razvôtt choloupi Amoritancho raza Sihon. Tachi rajvôttki mhollear Arnon nodichê dhoddek aslolem Aroer, toxench nodi modekot ordem Gilead thaun Amonitanchê ximer aslolea Jabbok nodi porian.
3. Udent Arabah tem Chinneroth Doria porian, Udenti vatten Beth Jeximoth dixen aslolo Arabah Doria vô Mittacho Doria ani Dok’kin vatten Pisgah Dongrachêo utarnni.
4. Dusro, Axtarothant ani Edreiant ravpi, Bashancho raza Og, pelvanantlo urlolo.
5. To Hermon dongracher ani Salekahcher, Geshur ani Maakah porian, ak’khea Bashan xaracher toxench Heshbonachea raza Sihonachea prantam lagim aslolea ordea Gileadacher raz choloitalo.
6. Sorvesporachea sevoka Moizesan ani Israelitamnim him jikhun ghetlim ani tannem Reubenitkarank, Gaditkarank ani Manassehchea ordea kullak tanche prant dile.
7. Joshuan ani Israelachea lokan Jordanachê ostomtek aslolea prantantlea, Lebanon falkeachea Baalgad thaun Seira vatten aslolea Halak Dongra porian sogllea razank marun uddoile. Joshuan hi suvat kullam modem vanttli ani tankam daiz koxem dilem.
8. Hem daiz mhollear: dongri vattar, sokoilo vattar, Jordan Vall, Utarnneô, oronnem ani Negeb. Hi suvat Hititkaranchi, Amoritkaranchi, Kanaanitkaranchi, Perezitkaranchi, Hivitkaranchi ani Jebusitanchi pennem korpachi suvat asli.
9. Israelitamnim hea xarantlea razak marun uddoile: Jerikocho raza êk; Ai-cho raza (Bethel lagsar) êk;
10. Jerusaleacho raza êk; Hebronacho raza êk;
11. Jarmuthacho raza êk; Lakishacho raza êk;
12. Eglonacho raza êk; Gezeracho raza êk;
13. Debiracho raza êk; Gederacho raza êk;
14. Hormahcho raza êk; Aradacho raza êk;
15. Libnahcho raza êk; Adullamcho raza êk;
16. Mak’kedahcho raza êk; Bethelacho raza êk;
17. Tappuahcho raza êk; Heferacho raza êk;
18. Afekacho raza êk; Sharonacho raza êk;
19. Meromacho raza êk; Hazoracho raza êk;
20. Shimron Meronacho raza êk; Akshafacho raza êk;
21. Taanachacho raza êk; Megiddocho raza êk;
22. Kedeshacho raza êk; Karmelantlea Joknecho amcho raza êk;
23. Doracho raza êk; Galiliantlea raxttrancho raza êk;
24. Tirzahcho raza êk; Razancho ekunn ankddo ektis.
