1. Dusri sort, tanchea ghorannea pormannem, Simeonachea putank poddli; tanchem daiz Judachea daiza modem aslem.
2. Tanchem daiz koxem tankam him xaram mell’lim: Beersheba, Shema, Molada,
3. Hazarshual, Bala, Azem’,
4. Eltolad, Bethul, Horma,
5. Ziklag, Beth-ha-markaboth, Hazar-Susa,
6. Beth-Lebaoth ani Sharuhem; sogllim mellun tera xaram ani tanche ganv.
7. Ain, Remmon, Ether ani Ashan; sogllim mellun char xaram ani tanche ganv.
8. Toxench, Baalath-beer, mhonngê, Ramath-Negeb porian hea xaram bhonvtonnim aslole ganv.
9. Hem, ghoranneam pormannem, Simeonachea putanchem daiz zalem.
10. Tisri sort, ghoranneam pormannem, Zebulunachea putank poddli. Sarid tanchea daizachi xim’ zali.
11. Tanchi xim’ ostomtê vatten Maraala geli ani Dabbasheth pavli, ani Jokneam nodi-xim geli.
12. Sarid thaun udenti vatten Kisloth-Taborant gunvli ani Daberantlean Jafia voir choddli.
13. Thoim thaun, udenti vatten Gittahhefer ani Ittahkazin pavli ani Remmon-met-hoarantlean bhair sorun Nea tharli.
14. Ut’torê vatten Hannathonant ghunvun Jifthahelachea falkeant sompli.
15. Kattat, Nahalla, Shimron, Idala ani Betlehem dhôrun, sogllim mellun bara xaram ani tanche ganv.
16. Hem zaun aslem, tanchea ghorannea pormannem, Zebulunachea putanche daiz.
17. Chovthi sort, tanchea ghoranneam pormannem, Issakarachea putank poddli.
18. Tanchi xim’ mhollear Jezreel, Kesullot ani Shunem,
19. Hafaraim’, Shion, Anaharat,
20. Rabbit, Kishion, Ebez,
21. Remet, En-Gannim’, En-Hadda, Beth-Pazzez;
22. Toxench xim’ Tabor, Shahazima ani Bethshemesh pavtali ani Jordanant somptali; sogllim mellun solla xaram ani tanche ganv asle.
23. Hem zaun aslem, tanchea ghoranneam pormannem, Issakarachea putanchem daiz.
24. Panchvi sort, tanchea ghorannea pormannem, Asherachea putank poddli.
25. Tanchi xim’ mhollear Helka, Hali, Beten, Akshaf,
26. Alammelek, Amad, Misheal; udenti vatten Karmel ani Shihorlinnat;
27. Ostomtê vatten Bethdagon, Zebulon ani Jifthahel falkem. Ut’torê vatten Bethemek, Neiel, Kabul,
28. Hebron, Rehob, Hammon, Kana ani Vhoddlem Sidon;
29. Uprant, xim’ Rama ani Kil’leachea xarant Tirant pavli; thoim thaun Hosa geli ani thoim thaun Akzibant sompli.
30. Umma, Afek ani Rehob dhôrun, sogllim mellun bav’vis xaram ani tanche ganv.
31. Tanchea xaram ani ganvam soit, hem aslem, tanchea ghorannea pormannem, Asherachea putanchem daiz.
32. Sovi sort, tanchea ghorannea pormannem, Naftalichea putank poddli.
33. Tanchi xim’ mhollear Helef, Allon thaun Zaanannim, ani Adami, Nekeb, Jabeneel tem Lakum’ porian; ani ti Jordanant sompli.
34. Toxich xim’ Ostomtê vatten ghunvun, Aznothtabor geli, ani Hukkokantlean vochun dok’kini vatten Zubulunak pavli; Ostomtê vatten Asherak pavli ani Udenti vatten Jordanant.
35. Korttam bandhun haddlolim xaram mhollear: Ziddim’, Zer, Hammat, Rakkat, Kinneret,
36. Adama, Rama, Hazor,
37. Kedesh, Edrei, Enhazor,
38. Iron, Migdalel, Horem’, Bethanat ani Bethshemesh; sogllim mellun ekunnis xaram ani tanche ganv.
39. Hem zaun aslem, tanchea ghorannea pormannem, Naftali kullachem daiz.
40. Satvi sort, tanchea ghorannea pormannem, Danachea putanchea kullak poddli.
41. Tanchea daizachi xim’ mhollear Zora, Eshtaol, Irshemesh,
42. Shaalabbin, Ajalon, Jethla,
43. Elon, Timnatha, Ekron,
44. Elteke, Gibbeton, Baalat,
45. Jehud, Beneberak ani Gathrimmon,
46. Mejar-kon, Rakkon ani Jafo mukhaveli deg.
47. Danitancho vattar khub lhan aslolean, tãnnim Leshema add zhuz kelem; Tolvarin tacher akromonn korun, tem ani tantunt aslem titlem-i aplea tabeant kelem ani tanchea purvoza, Dana, sombhondhan Leshemak Dan mhonn nanv dovorlem.
48. Hem zaun aslem, xaram ani tanchea ganvam soit, tanchea ghorannea pormannem, Danachea kullachem daiz.
49. Ximô ghalun desachem daiz vanttun zatôch, Israelkaramnim Nunachea puta, Joshuak, aple modekot daiz dilem.
50. Sorvesporachea utrak pallo diun, tãnnim taka, tannem maglolem, Efraimachea dongri vattarantlem xar, Timnath-sera dilem; tannem hem xar bandun haddlem ani thoim aplem pennem kelem.
51. Eleazar iadnikan, Nunachea puta Joshuan, Israelachea kullanchea vhoddilamnim, Shilont sort ghalun Sorvespora ani Devachea Dorxonnachea Tombuchea dara mukhar vanttlolem daiz hem. Oxem, tãnnim desachem daiz vanttun sompoilem.
