1. Tedna, Levichea kullache vhoddil, Eleazar iadnika, Nunachea puta Joshua ani Israel kullachea vhoddilam mukhar aile.
2. Tê somoim te Kanaantlea Shilont asle. Ani tãnnim tankam mhollem: 'Amkam ravunk xaram diunchim ani amchê mon'zatink chorvache zage mellche mhonn Moizesa vorvim Sorvesporan hukum' dil'lo.'
3. Sorvesporache hukumê pormannem, aplea daizantlim, Israelitamnim Levitank him xaram ani chorva-zage dile:
4. Ani Levitam modem poili sort iadnik Aronachê pillgentlea Kohatitachea ghoranneak poddli. Taka Judachea, Simeonachea ani Benjaminac hea kullantlim tera xaram mell'llim.
5. Urlolea Kohatachea putank Efraimachea, Danachea, ani Manassechea ordea-kullantlim dha xaram mell'llim.
6. Gershonachea putank, sort ghalun Issakarachea, Asherachea, Naftalichea ani Bashanant aslolea Manassechea ordea-kullantlim tera xaram mell'llim.
7. Merarichea putank, Reubenachea, Gadachea ani Zebulunachea kullantlim bara xaram mell'llim.
8. Moizesa vorvim, Sorvesporan dil'lê hukumê pormannem, sort ghalun, Israelitamnim Levitank him xaram ani chorva zage dile.
9. Tãnnim tankam Judachea ani Simeonachea kullantlim xaram nemun dilim
10. ani tim, Levitam modlea, Kohatachea ghoranneantle Aronachê pillgechê svadhin kelim kiteak tankam poili sort poddloli.
11. Tãnnim tankam Judachea dongri vattarantlem, Anakachea bapai Arbachem xar ani tachê bhonvtonnchim uktim mollam dilim. Aiz tea xarachem nanv Hebron.
12. Punn hea xarachim xetam ani ganv, daiz koxem tãnnim Jefunnechea puta Kalebak dilem.
13. Oxem, Aronachê pillgek him xaram mell'lim: Khunneank alaxiro mellchê khatir Hebron ani tachim mollam, Libna ani tachim mollam,
14. Jattir ani tachim mollam; Eshtemoa ani tachim mollam,
15. Holon ani tachim mollam, Debir ani tachim mollam,
16. Ain ani tachim mollam, Jutta ani tachim mollam; Beth-Shemesh ani tachim mollam; sogllim mellun hea donui kullantlim nnov xaram.
17. Benjaminachea kullantlim: Gibeon ani tachim mollam, Geba ani tachim mollam,
18. Anatot ani tachim mollam, Almon ani tachim mollam; sogllim mellun char xaram.
19. Him sogllim xaram tanchea mollam soit, iadnik Aaronachê pillgek dilim; sogllim mellun tera.
20. Kohatachea ghoranneantlea, Kohatachea putam modlea Levitank sort ghalun Efraim' kullantlim xaram dilim.
21. Tãnnim dil'lim xaram him: khunneak alaxiro diunchê khatir, Efraimache dongri vattarantlem Xekem' ani tachim mollam, Gezer ani tachim mollam,
22. Kibzaim' ani tachim mollam ani Beth-Horon ani tachim mollam; sogllim mellun char xaram.
23. Danachea kullantlim, Elteke ani tachim mollam, Gibbethon ani tachim mollam,
24. Aijalon ani tachim mollam, Gathrimmon ani tachim mollam; sogllim mellun char xaram.
25. Manassechea ordea-kullantlim, Tanaak ani tachim mollam, Gathrimmom ani tachim mollam; sogllim mellun don xaram.
26. Kohatachea urlolea putank sogllim mellun dha xaram ani tanchim mollam mell'lim.
27. Levichea ghoranneantlea, Gershonachea putank mell'lim tim xaram him: Manassechea ordea-kullantlim: khunneak alaxiro diunchê khatir Bashanantlem Golan ani tachim mollam, Ashtaroth ani tachim mollam; sogllim mellun don xaram.
28. Issakarachea kullantlim: Kishon ani tachim mollam, Dabare ani tachim mollam,
29. Jarmut ani tachim mollam, En-Gannim' ani tachim mollam; sogllim mellun char xaram.
30. Asherachea kullantlim: Mishal ani tachim mollam, Abdon ani tachim mollam,
31. Helkat ani tachim mollam, Rehob ani tachim mollam; sogllim mellun char xaram.
32. Naftalichea kullantlim him xaram: Khunneak alaxiro diunchê khatir Galileantlem Kedesh ani tachim mollam, Hammotdor ani tachim mollam, Kartan ani tachim mollam; sogllim mellun tin xaram.
33. Tanchea ghorannea pormannem, Gershonitank sogllim mellun tera xaram ani tanchim mollam aslim.
34. Urlolea Levitank, mhonngê, Merarichea putank xaram dilim tim mhollear, Zebulunachea kullantlim: Jokneam ani tachim mollam, Karta ani tachim mollam,
35. Dimna ani tachim mollam, Nahalal ani tachim mollam; sogllim mellun char xaram.
36. Reubenachea Kullantlim: Bezer ani tachim mollam, Jahaza ani tachim mollam,
37. Kedemot ani tachim mollam, Mefaat ani tachim mollam; sogllim mellun char.
38. Gadachea kullantlim: khunneak alaxiro diunchê khatir, Gileadantlem Ramot ani tachim mollam, Mahanaim' ani tachim mollam.
39. Heshbon ani tachim mollam, Jazer ani tachim mollam; sogllim mellun char.
40. Oxem, Levichea urlolea ghoranneak, mhonngê Merarichea putank, sogllim ekthaim korun bara xaram mell'lim.
41. Mhonnttôch, Israelitanchea pranthant, Levitank daiz koxem mell'llem tim sogllim xaram ani tanchim mollam ekthaim korun atth'tthe-challis aslim.
42. Hea sogllea xarank, tanchê bhonvtonnim mollam aslim.
43. Hê toren, tanchea purvozank bhasailolo dês, Sorvesporan Israel porjek dilo. Tãnnim tacho tabo ghetlo ani thoim aplem pennem kelem.
44. Tanchea purvozank bhasavnni kel'li toxem Sorvesporan tankam sogllê vatten xanti dili. Khoinchoch dusman tanchê add ubo ravunk xoklo na; tanchea sogllea dusmanank Sorvesporan tanchea hata-khal ghale.
45. Israelachea ghoranneak kel'li ekpunn bhasavnni Sorvesporan moddlina; teô soglleô pallon aileô.
