1. Bhurgim aschê suvater xegunn aslear odik borem, Kiteak xegunnachea ugddasan omor jivit asa Dev ani monis xegunn vollkhotat.
2. Xegunn aslear tanchi dêkh ami ghetanv, To nasot zalear, lôk taka axeun ravta; Mukutt mell'lolo xegunn sasnnak zoit vhorta Spordheant bhoxttov naslolea inamam khatir vaurun, to sodanch zoitivont.
3. Punn Devak mandi nasloleanchim bhurgim kitlim vhaddot vochum, Tim upeôg naslolim zatolim, Tim khorea logna-ekvottachim nhoi zaun, dhortorent khôl mull gheunk tim xekonant ani tanchean êk mozbut buniad ghalunk zaina,
4. Voilea-voir mullam aslolean, Thoddoch kall palet legit zalear, tim varean haltolim ani vaddolachea bollan umttotolim;
5. Zun' zanvchê adinch, tanche khande nikllotole, Tanchim follam nirfoll zatolim, Sarkim pikunk naslolean, tim khaunk vô kiteakuch upkarchimnant.
6. Kiteak, zhoddttechea disa, advarlolea logna-ekvottan zolmololim bhurgim aplea avoi-bapaichea noxtteponna add govai ditolim.</p>
7. Aplo kall bhòrchê adim porian, sugunni monis morot tôr, taka visôv melltolo.
8. Khub vorsam jielo mhonn mon'xak odik man mellona, lamb auk vorsamnim mejinant;
9. Zannvai - hich mon'xache dhove kens, nirmoll jivit - hench mhatari pirai.
10. To Devak manonk vavurlo ani dekhun Devan tacho môg kelo patkiam modem jieta astana taka voir ubarun vhelo.
11. Khotteponnan tachi zannvai khotaina zaunk vô ghatkeponnan tacho otmo khottea margar pavoina zaunk, taka voir ubarun vhelo;
12. Kiteak khotteponnachi bhulovnni borem tem lipoun dovorta, khôr vondovnniô nenntem kalliz kusoitat.
13. Thoddeach kallan sopurnnaiek pavun, taka lamb auk mell'llem;
14. Tacho otmo Sorvesporak manovlo, dekhun tachê bhonvtim vostolea khotteponnantlo taka rokddoch vhelo.
15. Lokan hem pollelem, punn tankam kai somzolem na; tim somzunk porian kobul naslim ki Devachi kurpa ani kaklut Tannem vinchun kaddloleank dovorloleô asat, ani To Aplea bhoktanchi rakhonn korta.
16. Promannik morta to aplea fattlean jietolea noxttea mon'xancher formonn martolo; ani veginch sopurnnaien xevottak pavlole tornnatte lamb auk jietolea mhatarea noxttea mon'xacher formonn martole.
17. Ho lôk xegunni mon'xacho xevôtt polletolo. Punn Devan kitem tharaun dovorlam tachi somzonni tankam mellona vô tea xegunni mon'xachi Devan kiteak rakhonn kelea ti tankam somzona;
18. Te polleun, xegunni mon'xacheô moskoreô kortole, Punn, Sorvespor rokddoch tankam hanstolo.
19. Xevottak tanchea mel'lea kuddink konnuch man diuncho na meloleam modem te zatole kenn'neancho mhal, Kiteak To tancho churo kortolo ani tankam tondd dhampun khala xevttitolo. Tankam buneadik thaun konsllaitolo; Xekan'xek tanchem padd zatolem, Te khont bhogtole, ani tanchi iaduch nattak zatoli.</p>
20. Tim aplea patkanchê zoddttek thorthoran ubim zatolim ani tanchim noxttim kortubam, fuddem sorun, tankam guneanvkari kortolim.
