1. Punn tujea bhoktank êk chok-chokit vhodd uzvadd porzolltalo. Ejiptkar tancho avaz aikotale, Punn te tankam diso nasle, Apnna porim tannim koxtt sonsunk na mhonnun, te tankam subhagi mhonnttale;
2. Apnnem tankam adim vaitt kelolem tacho bodlo tannim gheunk na dekhun tannim tanche upkar mandle ani fattlea dusmankaiam khatir bhogsonnem maglem.
3. Hê kallkhachê suvater, tujê porjek onvollkhi ganvantlean vatt dakhoupak tunvem zolltea ujeacho khambo diloi, êk khôr vot dinaslolo suria tanchea onodbhorit provasant.
4. Punn, tanchea dusmana koddlo uzvadd kaddun gheun, tankam kallokhant koidi dovrunk favo aslem, Kiteak, tannim tujea bhurgeank koidi dovorlolim, zanchê vorvim sonvsarak Somurticho sasnnak togtolo uzvadd diupacho aslo.
5. Tujea bhoktanchea bhurgeancho jiv kaddunk tannim ievjilem, ani sôddlolea tantlo ekach ballkak vattailo. Uprant tunvem tujea dusmanachea bhurgeanchi ak'khi urponzuch orixtt udkant buddoun marli, ani oxi tankam khast laili.
6. Amchea purvozank adim-fuddench tê ratichi khobor sangloli, hê porim, apnnem koslea soputancher visvas dovorlolo tem zanna zaun, tankam dhir ani sontôs mellunk zai aslo.
7. Promannik mon'xanchem taronn ani dusmananchem nisontton zatolem mhonn Tuji porza ravtali;
8. kiteak jea kortutvan amchea dusmanank Tunvem khast lailii, teach kortutvan amkam Tujê-xim apoilim-i ani mhoimevont kelim-i.
9. Sukhant toxench dukhant bhokt bhagidar zauncheak promannik mon'xanchea bhurgeamnim guptim iôdn bhettoilo: ani eka monan tannim Devacho korar manun ghetlo; ani thoinchê-thoinch tim aplea purvozanchim gitam gavunk laglim.
10. Uprant tanchea dusmananchea roddnneanchea kinvcheancho gaz, ani aplea bhurgeanchi dukh kortolea lokanche vilap pois legit aikonk ietale.
11. Dhoniank ani tanchea gulamank tich khast favo zali, Razank toxench sadhea mon'xankui tech koxtt bhôgche poddle.
12. Ekach mornnachea dhopkean mezunk zainant title mele. Tankam soglleank purta title legit lôk jive uronk nant, Kiteak, ekach dhopkean, tanchi fulti pillga morun geli.
13. Tea lokan aplea jaduvancher matui sotman'lem na, Tanchea malgoddeancho bhosm zalolo pollelea urpant, tannim hi porza Devachem bhurgem mhunnon vollkholem.
14. Sogllem gopchup astana, ani rat dhanvun-dhanvun modianir pavloli tedna,
15. Tuzo Sorvpodvedar Sôbd, Sorvespora, sorginchea Tujea raiall xinvasona thaun denvun ailo. Nisonttonak pauncho aslo tea desant êk darunn zhuzari koso, to denvun ailo.
16. Ekê pazlolê torvari bhaxen bôdlunk zaina tosli adnia gheun to ubo ravlo ani soglli prithum' tannem mornnan bhôrli; tacho hat mollbak tenklolo tori prithumer to firtalo.
17. Ani rokddench sopnamnim ani bhirankull dorxonamnim tankam khub thorthoraile ani ravonaslolê bhirantin tancher ghuri ghatli.
18. Thodde hangasor ani thodde thoinsor, ordhe melole xevtton khala poddle, apunn kitea khatir mortat tem tanchean sangunk zalem;
19. Apunn kiteak koxttovtat tem koll'lea xivai morona zaunk, adim bhensddailolea sopnamnim, tankam adim fuddench xiddkailole.
20. Promannikankui mornnacho onnbhov mell'llo, ani oronneant zaite zannancho jiv kaddlo. Punn Tuzo rag-krôdh chodd kall toglo na.
21. Karonn thoinsor êk khotavinn monis tanchea adharak pavlo. tannem aradhon ani dhumpa orpon korun, Tujea rag-krodhak fuddo korun pest-pidda nopoit keli, Ani hea udexim apunn tuzo sevôk mhunnon tannem dakhoun dilem.
22. Aplea svotachea nhoi mhonn Aplê foujechea bollan, tannem Devachea ragacher zoit vhelem. Punn utra vorvim Devan amchea purvozank dil'lea soputancho ani Korarancho ugddas korun, bhôsm kornnareacher tannem zoit vhelem.
23. Meloleô kuddi raxik marloleô asloleô, Punn, Tuzô rag fatti vhoronk to fuddem sorlo ani jiveam-xim vhortoli vatt tannem dhampli.
24. Tachea angachea lamb vostrar ak'kho sonvsar chitarlolo aslo. Amchea purvozanchim onodbhorit nanvam kantoilolim fatranchea char vollincher aslim, ani Tujea raiponnacho porzôll tachê toklechea mukuttacher distalo.
25. Hachê mukhar to bhôsm kornnar fattim sorlo, haka lagun to bhielo Ho êk khasticho onnbhov puro zalo.
