1. Promannik mon'xanche otme Devachea hatant asat, ani koslech dogd tankam lagche nant.
2. Pixeanchea dolleam mukhar tim melolim dislim, sonvsar sanddun promannik mon'xam gelim, tem ek noxtt dislem,
3. tanchem moronn tancho sotianas mhonn him pixim somzolim; punn tim aplim xant asat.
4. Mon'xam mukhar dogd sonsle zalear-ui, omor jivitachea bhorvanxean bhòrleant tanchim kallzam;
5. thoddench dukh sosun khub axirvad tankam melltolo. Devan tanchi porikxa keli ani tim Apnnak manovtat mhonn Taka kollun ailem;
6. bhangar ujeant ghalun topastat toxem Devan tankam topaslim, ani homachem orponn koxim tankam manun ghetlim.
7. Dev tankam bhett diunk ietolo tea disa tim sogllim porzôllit zatolim; ani uxelantlea kittam porim tim dhanvtolim.
8. Tim raxttranchi nit kortolim, ani porzancher razvôtt choloitolim, Ani Sorvepor sasnnak tancho Raza zatolo.
9. Tacher patietat tim hem sot somzotolim, Taka visvaxi ravtat tim Tachê sovem mogan jietolim; kiteak Tannem vinchun kaddloleank, kurpa ani kaklut melltoleô.
10. Punn dev nasloleank tanchea noxttea chintnank favo sarki khast favo zatoli, Kiteak tannim promannik mon'xacher durloksh kelam ani tim Devacher portoleant.
11. Jim konn zannvaiek ani xistik kikont kortat tim dolldirim: Tancho visvas polko ani tanche koxtt nirfoll, ani tancho vavr upeôg naslolo;
12. Tancheô potini murkheô, ani tanchim bhurgim noxttim ani tachi sonsôt xirap poddloli zateli.</p>
13. Khotavinn ani Somurtint addvarloleam lagim lognacho ekvôtt zhoddunk na ti vanztti ostori subhagi, otmeanchê zoddttechea disak tika mozuri melltoli.
14. Toxench aplea hatamnim koslench noxtteponn adharunk na ani Deva add koslench vaitt ballgunk na to izddo subhagi, tachea visvaxiponna khatir kherit mozuri, taka melltoli, ani Dhoniachea Mondirant vhôdd dhadosponnacho zago taka favo zatolo.
15. Kiteak promannik vavrachem foll onodbhorit, ani zannvaiechem mull kusona.
16. Punn pordvarachim bhurgim vaddonk panvchinant, ani addvarlolea logna-ekvottachea Bhurgeanchi sonsôt nopoit zatoli.
17. Tim lamb jivit jielear legit, tim kiteakuch upkarchim nant, Tanchea mhatarponnar tankam man diunche nant;
18. Tim bhurgeponnar melim zalear zhoddttechea disa tankam visvas nhoi mhonn buzvonn mellchim na,
19. Karonn noxtt adartolê sonstecho xevôtt ekdom' nixttur. Ovesvor
