1. Tea disa Deborahn ani Abinoamachea puta Barakan hem gaion gailem:
2. Israelachea zhuzareamnô, tumche kens sôddat ani lôk kalljidarponnan fuddem sorlo mhonn, Sorvesporak vakhannat.
3. Razamnô, aikat! Kunvramnô, kan diat! Hanv, hanvuch Sorvesporak mhojem gaion gaitolom. Sorvesporak Israelachea Devak vakhanntolom ani mhoima ditolom.
4. Sorvespora, Tum Seir thaun bhair sorloi tedna, Tum Edomachea mollar thaun choddloi tedna, zomin kampli, mollob thorthorlem ani kupamnim pavsache xinvor ghale.
5. Sinaichea Sorvespora mukhar porvot koddle, hôi Sorvespora, Israelachea Deva mukhar.
6. Anathachea puta, Shamgarachea kallar, Jaelachea kallar razmarog nasle; Provas kortole pãi-vattamnim cholot vetale.
7. Israelant ganv nasle te naslech; tedna, Deborah, tum uttlii, Israelachê Matê!
8. Jedna zhuzacho avaz xaranchea darar martalo tedna novea devank ulo martale. Israelachea challis hozar mon'xank êk dhal nhoi mhonn êk balo tori naslo?
9. Mhojem kalliz Israelachea fuddaream vangdda asa, vhodda kallzan fuddem sorle tanchea vangdda asa! Sorvesporak vakhannat!
10. Dhovea gaddvancher bosun firtat te, boskecher bosun dhanvtat te ani cholun vetat te,
11. Udok pieunk diunchea svatancher, gonvllianchea nadar gaiat! Thoim te Sorvesporachim kortutvam, Israelachea gramam khatir tachi suttka vakhanntat! (tedna Sorvesporachi porza darvontteam-xim cholun geli.)
12. Utth, Utth, Deborah! Utth, Utth, ek gaion uchar! Utth Kalljidarponn ghe, Baraka, Tuka zulum' kortoleank, tujea paiam tolla, ghôtt damun dhôr, Abinoamachea puta.
13. Jedna Israel darvontteam-xim denvun gelo, viram sarki, Sorvesporachi porza tachê khatir zhuzunk geli!
14. Efraimache kunvor falkeant asat. Tujê pattlean Benjamin aplea haramnim asa. Makir thaun sordar denvun aile, Zebulun thaun, te senapoticho odhikar gheun asat.
15. Deboraha vangdda lssakarache Naftali kunvor asat; Baraka vangdda fallkeant Issakar patta-patt ieta dhanvun. (Reubenachim gotram patthi-fuddem sortalim)
16. Kiteak mhonn gotteam modem hinddam borabor pil'lukechea avazak tumi ravun asat? (Reubenachi gothram patthim-fuddem sortalim)
17. Gilead Jordana polltoddi aslem; ani kiteak mhonn Dan aplo vêll tarvacher sarta? Asher doriachê vellê sorxim asta. Aplea bondiram bhitôr visôv gheta.
18. Zebulun mornnak fuddem korpi lôk, Naftali-i, desachea mathear ravun; tosoch fuddo korpi.
19. Raza aile ani zhuzle; koxe mhonn te zhuzle,Taanakant, Megiddachea udka sorxim, Te Kanaanachea raza, punn luttichea mhalachem rupem tãnnim vhorunk na!
20. Mollbar thaun noketram zhuzlim, aplea monddolam thaun tim Sisera add zhuzlim.
21. Kishon vhallan tanchi duspôtt keli, purvilo vhall to Kishonacho vhall-chol fuddem bollixtt za!
22. Ghoddeanchim getam zomin thapttitat, fer marit-marit ghodde danvtat.
23. Merozacher xirap ghal', mhonntta Sorvesporacho dut 'thoim ravtoleancher xirap ghalit rav, karonn te Sorvesporachea adarak ieunk nant, zhuzari koxe te Sorvesporachea adarak aile nant!'
24. Ostoriam modem ut'tom ostori Zael, (Kenit Heberachi potin); tombumnim ravpiam ostoriam modem chôdd subhagi ti zaum.
25. Tannem udok maglem, tinnem taka dilem dud; kunvrachea tattant tinnem taka dhoi dilem.
26. Êk hat vistarun tinnem khillo ghetlo, uzvea hatant tinnem vavraddeacho tutiô dhorlo. Tinnem Siserak tutian thapttilo ani tachi tokli foddli. Tachem kansulachem hadd toplem ani tachi pudd keli.
27. Tichea paiam modem to chirgottlo, khala poddlo, melo; Zoim to chirgottlo, thoim to poddlo, to bhonglo.
28. Zonelantlean oddôv ghalun Siserachi avoi aplê zallientlean rakhun asa, 'Tacho roth porot ieunk kiteak itlo uxir zalo? Tachê ghaddiek ani ghoddeanchea getranchea avazak kiteak itlo vêll zalo?'
29. Tichea kunvrimnnim modem odik budhvont ti zobab dita ani toch ti apnnak porot-porot sangta:
30. Zhuzant jikhlolo mhal te vantt'tat astole, dôr eka zhuzareak êk vô don cheddvam; Siserak vivid ani bordar kelolea lugttancho mhal mhaka êk xelo, ek vô don bordar kel'le xele!'
31. Sogllea Tujea dusmananchem oxench nisontton zaum Sorvespora! Punn Tuje ixtt sogllê aplê podven udeta tea suria porim zaum! Desak challis vorsam sovostkai mell'lli.
