1. Efraimchea dongri prantant, Mikayehu nanvacho êk monis aslo.
2. Tannem aplê avoik mhollem, 'Tujê koddche kann vhelole rupeache ikraxim shekel ani tanchê vixim xirap ghal'lo, to hanvem aikola. Polle mhojê lagim tem rupem asa. Hanvench tem kann vhelem.' Tachê avoin mhollem, 'Sorvespor mhojea bhurgeacher axirvad ghalum.'
3. Tannem te ikraxim shekel aplê avoik porot dile. Tinnem mhollem, 'Hanvem khoreanich hem rupem mhojea puta khatir Sorvesporak diunk, êk murti kantonvk ani êk protima noksunk angovnn kel'li, punn atam tem tuka porot diunk mhaka odik borem dista. Punn tannem te poixe aplê avoik porte dile.'
4. Tachê avoin, tedna don'xim rupeache shekel vhele ani murti nokxitolea kamdara lagim dile. Te gheun tannem êk murti kantoili ani êk protima nokxili. Ani ti Mikayehuchea ghorant ghatli.
5. Hea mon'xa, Mikahcho êk povitr zago aslo, tannem êk efod kelo ani thoddeô ghorcheô protima, ani aplea eka putak aplo pujari koso bosoilo.
6. Tea disamnim Israelant Raza naslo ani dôr-eklo apnnak borem dista toxem kortalo.
7. Judachea Bethlehemantlo êk tornatto monis Judahchê kulliecho aslo; to êk Levit aslo ani thoim porko koso jietalo.
8. Apnnak khoinch ghor mellot thoim thikann korchea monan, hea mon'xan Judachem Bethlehem xar sôddlem. Bhonvtana to Efraimachea dongri prantamnim pavlo ani Mikahchea ghora ailo.
9. Mikahn taka vicharlem, 'Tum khoim thaun ailai?' Tannem zobab dilo, 'Hanv Levichea kullacho, Judahchea Bethlehemantlo. Hanv provas korit vetam, zoim mhaka thikann korunk mellot, thoim Hanv ravtolom.'
10. Mikahn taka mhollem, 'Hangasor mhojea sangata rav; mhozo bapui ani pujari za ani Hanv tuka vorsak rupeache dha shekel ditolom tea bhair nhesonn ani jevonn.'
11. Levichea kullacho monis tea mon'xachea ghorant ravonk kobul zalo, ani to tornnatto dadlo taka aplo êk put koso zalo.
12. Mikahn tea Levitak sthaplo, to tornatto Mikahcho pujari zalo ani tachea ghorant ravlo.
13. Ani Mikahn mhollem, 'Atam Hanv zannom, Sorvespor maka borem kortolo mhonn, karonn mhojea ghora ho Levit pujari koso asa.'
