1. Judit saxttangim poddli, aplê tokler gobôr ghalo ani komorak bandlolem gonn kaddlem ani vhodd-lean Sorvesporak ulo marlo. Teach vellar Jerusaleant, Sorvesporachea mondirant, sanjecho dhump zolloitale. Juditan mhollem:
2. Sorvespora, mhojea purvoza Simeonachea Deva,videxianchi sudd gheunk, Tunvem tachea hatant tolvar ghalii,Tannim Ankvari lagim kuddicho ekvôtt koruntichi moriad ibaddli,tika vinglli korun tika lojek ghaliani ticho kusvo boxttavun, ticho man uboilo`Oxem korchem nhoi,' hem Tunvem mhollai astana-itannim tem kelem.
3. Haka lagun tanchea fuddariankjivexim marunk Tunvem poradhin kelei,Jê khattir tannim visvasghat kelo,tich khatt visvasghatachê lojen, rogtan bhôrli.Tunvem chakram borabor fuddariankani fuddariam borabor chakrank jivexim marle.
4. Tunvem tanchea bailank lutticho mhal keloani tanchea dhuvank nirvaxit korun soddleô,Tujê hurben bhorlolea opurbaiechea putam modemtancho lutticho mhal Tunvem vanttloikiteak apleach rogtachê bhoxttavnnecho tankam tiroskar dislo,ani tannim Tuka vinonti kelii.Sorvespora, mhojea Devahê vidvek-ui atam aik,
5. Adim kitem ghoddlam,atam kitem ghoddtaani fuddarak ghoddtolem,tem Tujench kam'.Atanchem ani ieunchem asa temTunvench ievzun haddlam.Jem ghoddlam, tem-i Tujich ievzonn
6. Tum ievjitai teô vostu fuddem sorun,Tujê mukhar ieun oxem mhonnttat`Him polle, ami hanga asanv!kiteak Tujeô vattô adim-fuddench toiar kel'leôani Tuje nivadde durdrixtti.
7. Assiriekarank polle, kedi vhôdd tanchi fouzTanchea ghoddeank ani ghoddesvorankasa tancho man,Soini-dollachea bollant asa tancho sontosDdhal, balo, dhanuxia ani goffin- hancher asa tancho visvas
8. Tum Sorvespor zhuzam sompoitaSorvespor, hem Tujench Nanvmhonn tannim vollkhunk na.Tujea bollan tanchem boll môddun uddoiTujea ragan tanchi podvi denvoi.Tujeô povitr svatô te melleô korunk sôdtatani Tujem Vortem Nanvaslolem Povitr-Sthan bhoxttaunk ievjitat,ani Tujea vediche xinganche kuddkean-kuddke korunk sôdtat.
9. Tanchi boddai polleani Tuzo rag tanchea mathear denvoiMhojea monant asa tem korunkhê vidvechea hatak boll di
10. Mhojea vonttanchê fosovnnenchakra borabor Dhoniakani Dhonia borabor chakrakEkê bailechea hata udeximtanchem gorv môddun uddoi.
11. Tujem boll kitle zonn asat tacher dhorlolem nanhoi mhonn bollvont mon'xancher Tuji xokti na.Kiteak Tum lhan khalteancho Dev,zulumak sampoddloleancho adar,dublleancho alaxiro,soddloleancho asro,nirxeloleancho Tarôk.
12. Mhojea purvozanchea Deva aik,Israelachea daizachea Deva,Sorga ani prithumechea DhoniaUdkanchea rochnnara,Sogllea srixttichea Raza,Mhojem prarthon aik.
13. Tujea Korara add,Tujea povitr thikanna add,Sion dongra add,Tujê porjechea ghorannea add,Nixttur manddnniô ievjitoleankGhaiall korunk ani marun uddounkBhuloitoli jib mhaka di.
14. Oxem Tum Sorvespor, Sorvpodvedar ani bollvont Devani Israel porjek Tujê bogor Dev na mhonnsogllea raxttrank ani kullank kollun ieum-di.
