1. Mhonnttôch xanti magchê khatir, tannem oxem mhonnun tachê-xim sondexkar dhaddle,
2. `Ami Vortea Raza Nebukadnezzarache sevok; ami tujê mukhar saxttangim poddtanv. Tuka zai tea pormannem amchê sovem kôr.
3. Am-che ravpa-zage, amcho ak'kho dês, amchim sogllim gonvachim xetam, am-chim gorvam ani menddre, tombu soit amche hindd tujê adhin kortam. Tanchê sovem tuka zai tê bhaxen kôr.
4. Amchim xaram ani tantum ravpi-i ami tujê adhin kortanv; tuka zai tê bhaxen tanchê sovem kôr."
5. Te monis Holofernesa-xim aile ani taka ho sondêx dilo.
6. Tedna aplê foujek gheun, to doria degechean gelo ani mozbut xaramnim rakhonn korunk tannem chovkidar do-vorle. Hea xarantle vinchun kaddloleank, tannem apnna borabor ghetle.
7. Hea ani sobhonvtonnchea xarantlea lokamnim, har ghalun ani dholachea avazar nachun, taka ievkar dilo.
8. Punn tannem tanchim povitr-sthanam môddun uddoilim, tanchea murtiancho churo kelo. Dôr-eka raxttran Nebukadnezzarak unch Dev mhonn nomoskar korcho sogllea bhasanchea ani desanchea lokamnim taka dev mhonn man'cho mhonn, tannem oxem kelem.
9. Uprant to Dothanchea xezariak, Judeiachea dongurleank fuddo korun aslolea Esdraelon ganvant ailo.
10. Ta-nnem Geba ani Scithopolisa modem tombu ubarlo ani aplê foujê khatir jevnna-khannachi ani dusri vevostha korunk, êk mhoino porian to thoim ravlo.
