1. Akiorak Israelitanchê adhin kortat Sobhê ghora bhair aslolea lokacho bobatt komi zatôch, Assiriechê foujecho fuddari Holofernesan sogllea videxi ani Moabit lokam mukhar, Akiorak mhollem,
2. `Akiora ani Efraimachea muxarekar soinikamnô, tumi konn mhonn somzotat? Aiz tumi amchê modem bhakit kortat tem koxem? Tancho Dev tanchi rakhonn kortolo mhonn Israela add zhuz manddina zaunk, tumi sangtat tem koxem? Nebukadnezzara bogor dusro Dev asa kitem? Apli fouz dhaddun, to tankam hea sonvsarantle nattak kortolo ani tancho Dev tanchi koxich rakhonn korunk xokchona.
3. Punn ami tache chakor, êk zonn zal'lê bhaxen tankam nattak kortole. Amchea ghoddeanchea dall tanchean addaunk zaunchemna.
4. Ami tancher zoit vhor-toleanv. Dongor tanchem rogot pietole ani tanchea moddeamnim tanchim mollam bhôrtolim. Tanchê modlo eklo dekhun, amchea hatantlo suttcho na, tancho sarko bhosm zatolo; sogllea sonvsaracho Dhoni, Raza Nebukad-nezzar oxem mhonntta. To uloila ani tachem ek punn utor nirfoll zaunchem na.
5. Ani tum Akiora, Amonitanchea muxarekara, chintinastana tunvem him utram mhollim dekhun, aiz thaun, hanvem Ejiptkaranchi sudd ghe porian, tum mhojem tondd polleun-chona.
6. Punn tea uprant mhojê soini-kancheô tolvari ani mhojea odhikarian-che bhale, tujê kuxin rigtole. Hanv porot ietam tedna, tum Israelachea zokmi zal'leam modem astoloi.
7. Mhoje sevok tuka dongri vattaran vhortole ani khinddant aslolea eka nogrant tuka dovortole,
8. tanchê boraboruch tuzo bhosm zatolo, tea adim tuka moronn ieunchem na.
9. Tankam dhôrche nant mhonn tujê bhitôr bhorvanso asot zalear, tunvem itlo dukhi zaunchi goroz na! Hanv uloilam ani mhojem ek punn utor khorem zainastana urchem na.
10. Holofernesan tombunt apli chakri kortolea sevokank Akiorak dhôrunk, taka Bethuliak vhorunk ani Israelitanchê adhin korunk formailem.
11. Sevokam-nim taka dhôrlo, tombuntlo bhair kaddun, mollavelean te dongrivattaran gele ani Bethulia sokla aslolê zhori-xim pavle.
12. Nograntlea mon'xamnim tan-kam polletôch, aplim hatiaram ghetlim, ani xar sôddun dongrachê tenkxer gele ani goffin gheun fator marpi, te voir iena zaunk tancher fator xevttunk lagle.
13. Punn te dongra sokol liple, thoim tannim Akiorak bandlo ani taka thoim dovrun, aplea Dhonia-xim portole.
14. Uprant Israelit aplea nogra thaun aile, tachê-xim thamble ani taka sôddun Bethuliak vhelo ani tannim taka xarant-lea mukheliam-xim haddlo,
15. tea kallar Simeonachê kulliecho Mikacho put Uzzia, Gothonielacho put Khabris, ani Melkielacho put Kharmis mukheli asle.
16. Hannim nograntlea sogllea zann-teank ektthaim kele. Nennte ani bailô-i sobha bhorlea thoim dhanvot geleô. Tannim Akiorak aplê porjê modem bosoilo ani kitem ghoddlam tê vixim, Uzzian taka vichar kelo.
17. Tannem zap dili ani Holofernesachê sobhent kitem ghoddlem, tem tankam sangun dilem. Toxench Assiriechea fuddariam mukhar, tannem kitem mhollem tem ani Israela-chea ghorannea add Holofernes kitem kortolo aslo tachi boddai keli, ti-i kho-bor tannem tankam sangli.
18. Tedna soglli porza zomnir sorpottli ani Devak nomoskar korun mhollem,
19. `Sorves-pora, sorgachea Dhonia, tanchê bo-ddaiecher tuji nodor ghal ani okman kel'lê porjechi kaklut kôr. Ani tuka somorponn kel'leank doiallaien vagoi.'
20. Uprant tannim Akiorak dhir dilo ani taka vakhannlo.
21. Sobha somptôch, Uzzian taka ghora vhelo ani zannteank jevonn dilem, ti ak'khi rat bhôr, tannim Israelachea Devak vinôt keli.
