1. Juditan mhollem, `Bhavamnô mhojem aikat. Hem xins gheiat ani durgachea vonnticher umkallaiat.
2. Sokall zatôch ani suria udetôch, zonn-eklean ap-aplim hatiaram gheunchim ani sogllea bollvont mon'xamnim xara bhair vechem. Assiriê add mollar zhuzun vetolê bhaxen, tanchê voir tannim êk odhikari nemcho punn konnench mollar denvchem nhoi.
3. Tedna Assiriekar aplim hatiaram ektthaim kortole, tombu-mollar vetole ani aplea odhikariank zagoitole; he vego-veg Holofernesa-chea tombunt vetole ani to tankam mell-chona. Tedna tancher kampero sutt'-tolo ani tumchê mukhar te pollun vetole.
4. Tedna tumi ani Israelachea prantant, ravtolea soglleamnim tanchi patt dhôrchi - ani pollun vetana tankam marun uddounche.
5. `Punn tumi hem korchê adim, Amonit Akiorak mhojê-xim apoun haddat, Israelachea Ghoranneacho dvês dhôrtolea ani apnnak mornnachê, svadhin kel'lea mon'xak taka-i polleum-di.'
6. Mhonnttôch tannim Uzziachea ghorant thaun Akiarak haddlo. To iena fuddem ani loka modem aslolea eka mon'xachea hatant Holofernesachem xins pollena borabor, taka ghunvôll aili.
7. Tannim taka voir kaddlo. Magir to Juditache paiam poddlo ani tika noman korun, tannem mhollem:center > Judachea sogllea tombumnim tuka man mellum,Tujem Nanv aikotolem dôr-êk raxttr bhirantin kampum!
8. `Gel'lea don disank sogllem jem tunvem kelam, tem mhaka sang.' Bethuliantli bhair sorli tea disa thaun tem aiz porian, apnnem kel'lem tem sogllem, sogllea loka samkar Juditan taka sanglem.
9. Tinnem uloun som-poitôch, khuxalkaien bhôrun lokan vhoddlean bobatt marli ani hea avazan tanchem ak'khem xar gazlem.
10. Israe-lachea Devan kel'lem tem polleun, Akioran tacher khôl bhavarth tthevlo, tannem apli sunôt keli ani sorvkall to Israelachea Ghoranneacho vangddi zalo.
11. Dis udetôch, tannim Holofernesa-chem xins durgachê vonttir umkollailem. Dôr-eka mon'xan aplim hatiaram ghetlim ani zomea-zomeamnim vochun, don-grancher ube ravle.
12. Tankam polleun, Assiriekaramnim aplea fuddariank sondêx dhaddlo, hannim vochun mukheliank, hozaranchea fuddariank ani dusrea odhikariank kollit kelem;
13. ha-nnim Holofernesachea tombu-xim vochun, tacho khasgi vevhar choloito-leak mhollem, `Amchea dhoniak utthai, amcher akromonn korun, apnna-chench, nisontonn korunk, he chakor bhair sorleat!'
14. Bagoas bhitôr gelo. Holo-fernes Judita sangata nhidlolo asa mhonn chintun, tannem darar marlem.
15. Punn konn zap dina tem polleun, tannem podd'ddo vôddlo ani nhidpachê kuddint gelo. Tannim taka tachi gomtti katrun, marun zomnir uddoilolo pollelo.
16. Tannim vhoddlean huel marli, to roddlo ani vilaplo, bobatt marli ani aplim angvostram pinzlim.
17. Uprant Judit ravtali tea tombunt to gelo ani ti-i taka mell'li na. Bhair aslolea mon'xam-xim ieun, tannem bobatt marli,
18. `Chakram-nim amcho ghat ghetlo! Ekê Hebrev ostoren, Nebukadnezzarachea ghora-nneacho okman kelo. Holofernes morun zomnir poddlolo asa, tachem xins mat na!
19. Hem aikona fuddem, Assiriechea foujechea fuddariamnim aplim angavlim pinzlim, ani tombuchem moll bobô-huelimnim gazlem.
