1. Judeia zagrut Assiriechea raza, Nebukadnezzar, hachê foujechea mukhelian Holo-fernesan raxttrank kitem kelem, konn bhaxen tanchim mondiram luttlim ani tancho bhosm kelo, hem Judeiant ravto-lea Israelitamnim aikolem,
2. tedna tankam kampero suttlo ani Jerusalea ani Sorvespora aplea Devachea mondira khatir tim akull-pikull zalim.
3. Kiteak gulamponnantlim portun-portun ailear, Judeiant lokan novean vosti kelear, ani boxttailolim povitr aidonam, vedi ani devmondir novean sonvskarlear, thoddoch kall zal'lo.
4. Mhonnttôch tannim Samaria, Kona, Beth-Horon, Belmain, Jeriko, Koba, Aesora ani Salem falkeak zagrut kelim.
5. Soglleam von unchlea dongrachê tenkxer, tannim vosti keli ani thoim aslole ganv mozbut kele; xetanchi pik niktich zal'lean, ieunchem aslea tea zhuzak tannim goroz teô jevnnacheô vostu ektthaim keleô.
6. Tedna Porom'-Iadnik Joakim' Jerusaleant ravtalo. Dothanachea molla vatten, Esdraelonak fuddo korun aslolea Bethulia ani Beto-mesthaim hea don ganvamnim vosti kortolea lokank, tannem chitt boroili.
7. Ani dongram modem aslolea vattancho tabo gheunk, tankam adnia dili, kiteak tantuntleanuch Judeiacher akromonn korum ietalem. Toxench hi vatt, pavttik doguch zann bhitôr sorunk zata titli oxir aslolean, akromonn kortoleak addaunk sompem aslem.
8. Porom'-Iadnik Jokim-chê ani Jerusaleant ektthaim zal'lea Zannteanchê Sobhechê adniê porma-nnem, Israelitamnim kelem. Ak'khem Raxttr Magnnem korta
9. Dôr-eka Israelachea mon'xan Sorves-porak kallzant thaun ulo marlo ani Sor-vespora mukhar lhan zale.
10. Te, tan-cheô bailô, tanchim bhurgim, tanchim gorvam, thoim ravtole videxi, baddea-che manai vô chakor - hea soglleamnim aplim penkttam gonnan pangurlim.
11. Jerusaleant aslole soglle Israelit, bhurgeam-bailam soit, aplê tokler gobôr ghalun ani Sorvespora mukhar aplê hat vistarun, Dev-mondira fuddlean sax-ttangim poddle.
12. Tannim vedi-i gonnan pangurli, aplea bhurgeank nirvaxit korun vhorona zaunk, aplea bailank lutticho mhal koso vanttina zaunk, apnnak daiz koxim dil'lea tea xaranchem nisontton korina zaunk, dev-mondir boxttaun onbhavarthiam mukhar kenddnniancho mhal zaina zaunk, tannim kallzant thaun Sorvespo-rak, Israelachea Devak magnnem kelem.
13. Sorvesporan tanchem magnnem aikolem ani tanchea akantachea vellar doien tancher nodor ghali. Ak'kea Judeiant, toxench Jerusaleant Sorpod-vedar Devachea mondira mukhar, lokan zaite dis porian upas kelo.
14. Po-rom'iadnik Joakim' ani Sorvespora mukhar ube ravtolea ani tachi seva kortolea sogllea iadnikamnim aplim penkttam gonnan pangurlim ani tannim sodanchim hulpailolim bolidanam ani khuxêmonan kel'lim porjechim danam Sorvesporak bhettoilim.
15. Aplea mun-ddaxeancher gobôr ghalun, Israelachea Ghoranneacher doien nodor ghalunk, tannim sogllea aplea bollan, Sorves-porak ulo marlo.
