1. Chôdd uxir zal'lean, tache sevok vegoveg ap-aplea tombunt gele. Aplea dhoniachê sevek asloleank bhair ghaltôch, Bagoasan bhailean thaun tombuchem dar dhamplem. Jevonn chodd lamb zal'lean, te samkech thoklole ani rokddech nhidunk gele,
2. ani Judit Holofernesa sangatim ekttich tombunt urli. To chôdd soro pieun, aplê khattir poddlolo also.
3. Heram disamnim kortali toxi, apunn bhair ie porian, nhidpachea kudda bhair ravunk Juditan aplê sevikek sanglolem. Aplea magnnea khatir apunn bhair sortoli mhonn, tinnem tika sanglolem ani hea vixim Bagoa-sakui aplem mon uktem kel'lem.
4. Tea vellar, nhidpachea kuddant, Holofernesa sangata lhan-vhôd oso konnuch naslo. Tachê bajê kuxik ubi ravun Juditan apnnach bhitôr oxem mhollem,Sorvespora sorvbollixt DevaJerusaleachê vortê mhoimê khatirmhojea hatancho vavr sufôll kôr.
5. Tujem daiz rakhunk,mhoji ievzonn fuddem vhorunkani amcher add upraslolea dusmananchobhosm korunk, hoch to vêll.
6. Uprant ti Holofernesachê toklê vatten aslolea khattichea sthomba-xim geli ani thoim asloli tolvar kaddli,
7. khatti-xim lagim ieun, tinnem tachea kennsank dhôrlo, ani mhollem, `Sorvespora, Israe-lachea Deva, aichea disa mhaka ghottai di!'
8. Aplem sogllem boll vapddun, tinnem don pavtt tacher tolvar marli ani tachi gomtti katorli.
9. Tinnem tachi kudd khattiveli lôttun sokla uddoili ani kha-ttichea sthombavelo mattôv denvoilo. Tea uprant ti rokddich bhair aili ani Holofernesachem xins aplê sevikê lagim dilem.
10. ani tinnem tem tichea jevnna-chê potient ghalem. Dispott'tim magnneak bhair sortalim têch bhaxen, teô dogii thoinsorleô bhair sorleô. Ek pavtt tim tombu bandil'lea mollavelim bhair sortôch, tim falkeantlim bhair sorlim, Bethuliacho dongor choddlim ani darvonttea vatten vochunk laglim.
11. Poisuch astana, Juditan, darvonn-tteanchea rakhonddarank mhollem, `Darvontto ugddat! Ugddat!' Kiteak Sorvespor amcho Dev, ozunnui amchê borabor asa ani aiz kelam toxem, tannem Israelant Apli podvi dakhoilea ani am-chea dusmana add Aplem boll ugdda-pem kelam.'
12. Ticho tallo aikotôch, xarantle monis, vêll hogddainastana xarantlea darvonttea-xim gele ani zannteank apoun haddle.
13. Konn ravonaslolea vellar ti aili dekhun, sogllim, lhan toxim vhodd, dhanvun, darvonttea-xim ailim. Tannim darvontto ugddun, tankam ievkar dilo. Uzvadd diunchê khatir, tannim uzo pettoilo ani tim sogllim tanchê bhonvtim ektthaim zalim.
14. Uprant Juditan aplo tallo ubarun tankam mhollem, `Sorvesporak vakhannat! Taka vakhannat! Israela-chea ghoranneachi doia kel'lea ani aichê rati mhojeach hatantlean dusmanacho bhosm kel'lea Sorvesporak vakhannat!'
15. Tinnem Holofernesachem xins potientlem bhair kaddlem ani tankam dakhoun mhollem, `Hem zaun asa Assiriechê foujechea mukhel odhikaria Holofernesachem xins; hem zaun asa mattvachem lugott zachê khala to pieun poddlolo! Ekê bailechea hata udexim Sorvesporan taka jivexim marlo!
16. Hanvem dhorlolê vatter mhoji rakhonn kortolea jivea Devachean sangtam! Mhojea mukhamollan taka bhuloilo ani nisonttonak pavoilo. Mhaka bhoxttaunk vô lojek ghalunk, tannem mhojê kodde patok korunk na.
17. Ojap zaun sogllo lôk saxttangim poddlo ani Devak nomoskar kelo, eka tallean tannim mhollem, `Aichea disa tujê porjechea dusmanank gonddollak sampddaile dekhun Tuka, amchea Devak vakhann'nni!'
18. Uprant Uzzian Juditak, mhollem: Mhojê dhuvê, sonvsarantlea sogllea ostriam bhitôrBhov Vortea Sorvesporacho axirvad tujer poddum!Ani sôrg ani prithum' rochlolea Sorvespora Devak vakhann'nni zaum!Amchea dusmananchea mukheliachem mostok kapunkTannench nitt vatten tuka choloili.
19. Tunvem dakhoil'lo visvasmon'xanchê motintlo kodinch ubun vecho napunn tankam Devachê podvechosodam ugddas haddtolo.
20. Dev tuka sodankal ho man favo korumani subham' axirvad tujer ghalum,kiteak amchem raxttr cheponmati khaunk pavlem tedna,tujea jivachi tunvem porva korunk naim,punn amchea Deva mukhar nitt vatten cholun,amchem nisontton tunvem vattaileim. Ani sogllea lokan zobab dilo, `Amen! Amen!'
