1. Ghumott gheun, mhojea Devachi dhin'vasnni korat, kannsalim gheun, Sorvesporak vakhann'nat,Tachea manak novem git rochun gaiatTachea nanvachi stuti korat.
2. Kiteak Sorvespor zhuzam sompoitolo DevPorjê modem Tannem Aplo tombu tannlaani dhumallo ditoleanchea hatantli mhaka nivarlea.
3. Ut'tôr dongravelo, Assiriekar denvloHozaranchea hozaranchi fouz gheun ailo.Tanchê urponjin falkim bond kelim,tanchea ghoddeamnim dongor bhorle
4. Mhojea desacho lhasun gobôr korunkmhojea tornnateank tolvarin marun uddounkmhojea dudachea ballank zomnir apttunmhojea bhurgeank ani ankvarink lutticho mhal korunktannem boddai dakhoili.
5. Punn ekê ostorechea hata udeximSorvpodvedar devan tachi ievzonn duspottaili.
6. Kiteak tancho bollvonttornnateanchea hatantlean morunk naRakesachea putamnim, taka marun uddounk nanhoi mhonn pelvanamnim tacher akromonn korunk napunn aplea mukhamollachê sobitaien,Merarichê dhuvê Juditan tacho bhosm kelo.
7. Israelantlea zulumank voir kaddunkTinnem aplim vidvechim angavlim kuxin udoilimTaka bhulounchê khatir, tinnem aplea tonddar pormôll ghalo,
8. ani aple kens ugoileani sonni-sutachem angavlem ghalun taka fosoilo.
9. Tichea vhannamnim taka bhuloiloani tichê suropaien taka piso keloPunn gomtti katrun ekê torsadin tacho jiv kaddlo!
10. Tichem dhaddos polleun Persiekar thortorle,Tichi kallji polleun Medes bhiele.
11. Mhojea sonstoleamnim zhuzachi huel marlitedna te bhirantin bhorle Mhojea osoktancho boball aikuntancher akant suttloTannim aplo avaz motto kelo aniVirodhi fattim sorun gele.
12. Dasichim bhurghim tancher dhanvlimpollun vetolea chakram porimzokhmi keleMhojea dhoniachê foujê mukhar tancho bhosm kelo.
13. Hanv mhojea Devak ek novem git gaitolomSorvespora, Tum vorto ani mhoimevontTum bollixtt, konnachean Tujer zoit vhorunk zaina.
14. Soglli Tuji rochnna Tuji seva korum,kiteak Tujea utran ti ghoddon aili.Tunvem Tujea Atmeak dhaddloi ani ti ghoddon ailiTujem Utor konnuch fattim ghalchona.
15. Porvot buniadik thaun halot zalearani udkam modem misoll zalear,Tujê mukhar khoddpam menna vori koddun vet'limPunn Tuji bhirant dhôrtat tankamTum doia dakhoit ravtoloi.
16. Kiteak protek hom'-acho pormôllTujê mukhar ekdom' kirkoll.Hom' orponnachi soglli chorobTujê nodrek kainch nhoiPunn Sorvesporachi bhirant dhôrtoleakSorv ieunchea kallak vhodd zaun asa.
17. Mhojea kulla add ietolea desachem kotta-kottaSorvpodvedar Dev Zhoddtechea disa tankam khast laitolo.To tancher uzo dhaddtoloani tankam kidde poddtole ani dukh zaun sodankal tim roddtolim.
18. Jerusaleant pavtoch tannim Sorves-porak nomoskar kelo, lokanchi xudh'di zatôch, tannim aplim hom' orponnam, ap-khuxechim orponnam kelim ani denngeô dileô.
19. Lokamnim Juditak diloli Holofernesachi soglli doulot tinnem Sorvespora Devak somorpili ani xinvasonavoili sotri ji tinnem apnnench tachê khatticher kaddloli ti tinnem Sorvespora Devak somorpili.
20. Magir tin mhoine meren, Jerusaleantlea Dev-mondira mukhar lokan khuxalkai keli ani Judithui tanchea borabor ravli.
21. Hem somplem mhonnttôch, sogllim ap-aplea ghora portolim. Judith, Bethuliak portoli ani aplea bhattant ravli; ti jivi aso meren, ak'khea desant tika man-bhovman favo zalo.
22. Tichê lagim logn zaunk zaiteank khuxi asli. Ticho ghov Manasseh melea uprant ti jivit bhor vidva ravli.
23. Disan-dis tichi fank gazot ravli ani aplea ghovachea ghorant ti mhatari zali; ti ekxem panch vorsam meren jieli. Tinnem aplê chakor-nik mukt keli, magir ti Bethuliant ontorli ani tichea ghova Manassek purlolo teach fonddant tika purli.
24. Ak'khea Israel ghorannean tiche pasot sat dis dukh kelem. Apunn morchê poilim tinnem apli soglli aspôt aplea soiream ani aplea ghova Manassechea soiream modem vanttli.
25. Juditachea kallar, nhoi mhonn tichea mornna uprant zaitim vorsam meren Israelitkarank konnench tras kele nant.
