1. Uprant tannem rupeachim aidonam aslim thoim, tika bhitôr haddunk laili ani aplench khaxea jevonn tika diunk lailem ani aploch soro tika pieunk diunk formailem.
2. Punn Juditan mhollem, `Hanv hem jevchina, kiteak hanv jevit zalear, hanv guneanv-kar zain. Hanvem haddlam tench mhaka puro.'
3. Holofernesan vicharlem, `Tun-vem haddlam tem kobar zait zalear, tech torechem amkam anink khoim mellot?' Tujê sonstintlo amchê modem anink konn na.'
4. Juditan zobab dilo, `Hanv soputa khal sangtam, mhojea Dhonia. Sorves-poran, mhojê vorvim Apli ievzonn xarthi pavounchê adim, tujê chakorni kodde asa tem kobar zaunchem na.'
5. - Uprant Holofernesachea sevokamnim tika eka tombunt vheli ani ti modian zai porian thoim nhidli. Fantodder ti utthli.
6. `Bhair vochun magnnem korunk tujê chakor-nnik sompeponn mellchê khatir, mhojea Dhonian aplea sevokank adnia diun-chi', oxem mhonnun tinnem Holo-fernesak vinonti kel'li.
7. ani Holoferne-san aplea rakhonddarank tika addaina zaunk adnia dil'li. Ti tin dis tombu ban-dil'lea mollar ravli; dôr rati ti Bethulia-chea falkeant vetali ani zhori-xim nhatali. Thoim rakhonn korunk xipaiancho pongodd aslo.
8. Ti nhalea uprant, aplê porjek suttka diunchê ievzonnent adar di mhonn Sorvespora, Israelachea Devak ti prarthon kortali.
9. Magir nitôll zaun, ti aplea tombunt geli ani sanjechem jevonn jevisor thoim ravli.
10. Chovthea disa Holofernesan vhoddlem jevonn dilem, tannem aplea khas mon'xank apoile ani dusrea odhikariank apounk nant.
11. Tannem aplea khasgi vostu polletolea khojea Bagoasak mhollem, `Voch ani tum rakhonn kortolê Hebrev ostorek, amkam sangat diunk ani amchê borabor jevunk ani pieunk somzai.
12. Oslê bailê thaim mouza marinastana ami dhaddli zalear, amchem kotta! Ami tika bhuloinanv zalear, sogllo lôk amkam hanstolo!'
13. Bagoas Holofernesa sorxilo koddsorlo ani Juditak mellunk gelo. Tannem mhollem, `He tornnê ani sobit ostoren mhojea Dhoniak mellunk ieunk fattim sorchem nhoi. Tanchê mukhar tika man melltolo, amchea sangata pieun ti sontostoli ani Nebukadnezzarachea rajmha-lant jietolea Assiriechea ostoream bhaxen tika vagoitole.'
14. Ju-ditan mhollem, `Mhojea Dhoniachi khuxi môddunk hanv konn? Taka man'ta tem korunk hanv fattim sorchim na ani morosor tench korunk mhaka sontôs bhogtolo'.
15. Mhonnttôch ti utthli, aplem nhesop ghalem ani baileche soglle srungar ghale. Tichê fuddem tichi sevika geli Holofernesa mukhar menddreachê lhonvechem zomkhon ghalem. Hem zomkhonn Bagoasan Juditak ti dispottim jevtana vapddunk dilolem.
16. Juditan bhitôr ieun apli svat ghelti. Tika polleun Holofernesachem kalliz koddlem; to soglloch uchambôll zalo. To tichê lagim kuddicho bhôg gheunk axetalo; ani tika poilêch pavtti pollel'li tea disa thaun, tika bhulounk to êk sondhi sôdtalo.
17. Holofernesan mho-llem, `Atam soro pie ani amchê borabor mouza mar!'
18. `Mhojea Dhonia, oxem korunk mhaka sontôs bhogta kiteak sogllea mhojea jivitant aicho dis mhaka chôdd molacho'
19. Aplê seviken toiar kel'lem tem tinnem ghetlem ani tachê mukhar, ti jevli ani pieli.
20. Tika polleun Holofernes itlo piso koso zal'lo ki jivitant kednanch pieunk na titlo soro to tea disa piel'lo.
