1. Tombumnim aslolea mon'xamnim jedna hi khobor aikoli, te samke thottak zale.
2. Kampeun ani thorthorun, te soglle ximpoddle ani ekach farak mellta tê vatten pollun gele.
3. Bethulia bhonvtim dongrancher pennem kel'le monis-ui pollun vochunk lagle. Tedna soglle Israelit fuddari, tanchê pattik lagle.
4. Ghoddlam tachi khobor diunk ani dusmanam add vochun, tancho bhosm korunk, Uzzian Betomasthaim, Bebai, Koba, Kola ani Israelachea sogllea prantamnim sondexkar pattoile.
5. Israelitamnim hi khobor aikoli tedna, ekchitan tannim tancher akromonn kelem ani Koba pavo porian, tanche kuddkean-kuddke kele. Dusmanachea tombu mollar ghoddlam titleachi-i khobor aikotôch, Jerusaleant ani ak'khea dongri vattarant, tankam aplo pattimbo dilo. Toxench Gileadant ani Galileiant ravtoleamnim dusmanan-cher akromonn kelem, Domaskant ani tachea vataramnim pavosor tankam vhodda promannan marun uddoile.
6. Ur-lolo Bethuliacho lôk Assiriechea tombu mollar gelo ani thoim lutt marun, zaiti girestkai ektthaim keli.
7. Dusmanacho bhosm korun porot ietana, urlolea vostunchi Israelitamnim lutt marli. Dongri vattaran ani mollar aslolea no-grantlea ani ganvantlea lokamnim-i zaito lutticho mhal vhelo karonn hispa-bhair mhal thoim aslo.
8. Jerusaleant ravtolo Porom'-Iadnik Jokim' ani tachê borabor Israelache zannte Sorvesporan Israela sovem kel'lim vismitam polleunk, toxench Juditak mellunk ani porbim diunk aile.
9. Tichea ghorant ieun, ekach tallean tannim tika vakhann'li mhonnun:center > Tum Jerusaleacho voibhov!Tum Israelachi vhoddvik!Tum amchê porjecho vorto man!10 Tujeach hatan hem sogllem korunIsraelak Tunvem boreponn dakhoilemani Tunvem kelam titlem-i Devak manovlem,Sorvpodvedar Dev tujer axirvad ghalumSodam-sorvodam!Ani sogllea lokan zobab dilo, `Amen!'
11. Tis dis porian, tombu-mollar lokan lutt marli. Tannim Juditak Holofernesacho tombu, tacheô rupeacheô boxiô, visôv gheupacheô boska ani soglleô tacheô lankddacheô vostu Tinnem hem sogllem ghetlem, aplea gaddvacher ghalem, aple gadde bandle ani soglleô vostu tantum bhorleô.
12. Israelacheô soglleô ostoriô tika polleunk ektthaim zaleô. Tannim tika vakhann'li ani tichea manak nach kele. Juditan aplea hatan dakveliche talle ghetle ani apnna borabor aslolea bailank vanttle;
13. tinnem ani tichê borabor aslolea bailamnim zoitunache mukutt ghale. Uprant tinnem apli svat mirov-nnukent asloleam fuddeant ghetli ani nachtlolea ostoriank fuddakar dilo. Israelache soglle dadle, aplim hatiaram gheun ani golleak jhele ghalun, gaionam gait, tanchê fattlean gele.
14. Ak'khea Israela borabor, Juditan hem dhin'vas-nnechem gaion kelem ani sogllea lokan tem gailem:
