1. Portun hanvem mhoje dolle ubarle ani ek dorxon pollelem. Tem mhollear ek uddto kovllo!
2. Mhojê kodde uloitalo tea devdutan mhaka vicharlem: 'Kitem dixtti poddta tuka?' Hanvem zobab dilo: 'Mhaka êk uddto kovllo dixtti poddta; tachi lambai dha metr ani tachi rundai panch metr.'
3. Tedna tannem mhaka sanglem: 'Ho Devacho xirap, to ak'khea desacher bhonvta; kiteak, êkê vatten, tacher boroil'lem asa tea pormannem, dôr-êk chôr desantlo bhair poddtolo, ani, dusrê vatten, tacher boroil'lem asa tea pormannem, jim konn Mhojem nanv gheun lottik govai ditat, tim desantlim bhair poddtolim.
4. Hanv to sôddun diunk vetam - uloita to Sorvsoktivont Sorvespor! - chori kortat ani Mhojea nanvan lottik govai ditat tanchea ghoramnim to bhitôr sortolo; tanchea ghoramnim to khôl rigtolo ani tantum asa titleacho-i lankddam fatram soit nigut bhosm kortolo.'
5. Tedna mhojê lagim uloitalo to devdut dixtti poddlo; tannem mhaka mhollem: 'Tuje dolle ubar, ani hanga kitem fuddem veta tem polle.'
6. Hanvem vicharlem: 'Hem kitem?' Tannem zobab dilo: 'Ti êk paili; ti fuddem veta.' Tannem mhollem: 'Hem mhollear ak'khea desant cholta tem tanchem khotteponn.'
7. Magir ek xinxeachem dhampnnem ugòddlem, ani pailent bosloli êk ostori hanvem dekhli.
8. Ani tannem mhollem: 'Hem mhollear Noxtteponn.' Ani tannem tika porot pailent uddoili, ani pailechea tonddak tem xinxeachem dhampnnem damun ghalem.
9. Hanvem mhoje dolle ubarle ani don ostoriô fuddem sortaleô teô hanvem dekhleô. Tanchea paktteamnim varem bhòrlolem; tankam bokeachea paktteam sarke paktte asle, ani tãnnim sorga ani sonvsara modem ti paili ukôl'li.
10. Tedna mhojê lagim uloitalo tea devdutak hanvem vicharlem: 'Tim ti paili khoim vhortat?'
11. Tannem porti-pallun mhaka mhollem: 'Ti Shinar desant vhortat; thoim tika ek mondir bandtole ani tem bandun zatôch ti paili eka asonar dovortole.'
