1. Tedna Tobiasan Rafaelak mhollem:
2. `Azarias bhava, char sevok ani don unttam ghe ani Rhages voch.
3. Gabaelager bhitôr sor ani taka soi kel'lem potrachem ord dakhoi ani te duddu ghe, ani taka tujea sangata mhojea lognnak ieunk apoi.
4. Koxê porim mhozo bapui dis mezun asa, hem tum zannoi ani mhaka êk dis porian uxir zalear, to khub osvost zatolo.
5. Raguelan koslo soput dilai, hacho tum govai ani mhojean to moddunk zaina.' Mhonn-ttôch Rafael, Rhages, Media ganvant char sevok ani don unttam ghevun gelo. Te Gabaela-xim ravle ani Rafaelan taka soi kel'lea potrachem ord dakhoilem. Tannem taka Tobias, Tobitachea putachea lognachi khobor sangli ani lognachea utsovak ievpak taka amontronn dilem. Gabaelan dudd-vancheô potiô mezleô, tanche xik'ke asa toxe asle ani tannim teô unttancher ghaleô.
6. Dusrea disa, sokallim utthun, te utsovak vochunk bhair sorle ani Raguelachea ghora pavle tedna, Tobias jevta to tankam mell'llo. Gabaelak no-man korunk to utthlo ani roddun Gabae-lan taka oso axirvad dilo, `Borea, pro-mannik ani udar kallzachea bapaichea nisvarthi puta! Tuka, tujê bailek, tujê bailechea avoibapaik Sorvespor axirvad dium! Mhojea soirea Tobitacho rupkar polleunk mhaka bhag dilem dekhun Taka vakhann'nni!'
