1. IV : TOBIAS Tea disa, Media ganvantlea Rhagesant ravpi Gabaela kodde aplem rupem dovorlolem mhonn Tobitak ugddas ailo,
2. ani tannem apnnach bhitôr mhollem, `Atam hanvem moronn maglam mhonnttôch mhojea putak Tobiasak apoun hea duddvanchi khobor sanglear odik borem.'
3. Tannem Tobias aplea putak apoilo ani taka sanglem, `Hanv mortôch, mhaka manan matiek lai. Tujê avoik man di ani tujea jivit-bhor ticher visôr ghalinakai. Tika man'ta tem kôr ani tika dukh haddta tem vattai.
4. Mhojea puta, tum kusveant astana tinnem koxê porim attevitte kaddleat, tancho ugddas dhôr. Ani tiche dis somptôch, tika mhojê kuxik ekach fonddant matiek lai.
5. `Mhojea puta, sodanch Devak visvaxi rav. Pap adarunk vô tache updes moddunk itsa korum naka. Sogllea tujea jivitant boreô kornniô kôr ani kho-tteanchê vatten cholum naka.
6. Proma-nnikponnan cholxi zalear, promannik mon'xak ghoddta toxem, tum-i sogllea vostumnim iesvont zatoloi.
7. `Tujea bhatta-bensantlem, bhik gha-lunk, thoddem kuxin dovor. Dublleank patt vollum naka ani Dev-ui tuka patt vollcho na.
8. Tujê lagim asa tea porma-nnem tujem bhik ghalpachem map zaum-di. Tujê lagim upott asa zalear upott di, thoddem asa zalear, tantlem-i thoddem bhikek ghalunk bhieum-naka.
9. Oxem kelear, tuka goroz poddta tea vellar, tum vhôdd thevo tukach samballun dovor-toloi.
10. Bhik ghalop mon'xak mor-nnantlo vattaita ani taka kallokhak sampddonk dina.
11. Sorvespora hujir taka man'tolo anik suttavo upai na.
12. `Mhojea puta, koslich kam'chari chal dhôrum naka. Tuji bail purvozanchê sonstichi venchun kadd. Ami prova-dianchi sonsôt dekhun, tujea purvo-zanchê sonsti bhair porki bail sodun kaddum naka. Noah, Abraham', Izak ani Jakob mullinch thaun amche purvile mhonn ugddas dhôr. Tannim somestam-nim ap-aplê sonsthecheô potini vinchun kaddleô, ani tannim aplea bhurgeam sovem axirvad zhoddlo, ani tanchê sonstik prithvechem daiz melltolem.
13. Tum mhojea puta, tujea bhavancho môg kôr. Tujê porjechea putam-dhuvank, khoincheach tujea bhavachi beporva korunk fulom nakai, tanchê modli tuka bail venchun kadd karonn gorv nisontton ani sontap haddta, allsai nuksann ani goroz haddta, bhukechi avoi allsai zaun asa.
14. `Tujem kam' kortoleacho disvoddo aicho faleak dovrum nakai, rokddoch taka farik kôr. Tôr tum Devachi chakri korxi zalear, tuka mozuri melltolich. Sorvoi tujea kortubamnim chotrai dhôr, xistechi tuji chal zaum.
15. Tuka kel'lem naka, tem peleak korum naka. Bebdo zai-sor soro pieum naka, nhoi mhonn bebdikaiek tujê vattecho sangati korum naka.
16. `Bhukeloleank jevunk di, ani vinglleank nhesunk di. Tôr kitem tujê kodde ogllem asot zalear, tem gorjevon-tank vantt ani jedna tum bhik ghaltai, gunngunnastana ti ghal.
17. Unddo promannik mon'xanchea fonddancher dovor punn khotteam sovem toxem korum naka.
18. `Sorvoi xanneanchi budh ghe ani faideachi budh kodinch kuxin dovrum naka.
19. Sogllea vellar Sorvespora Devak argham di. Tujeô vattô sorôll korunk ani tuje proitn ani ievzonnô sufoll korunk, Taka vinonti kôr. Dôr-eka raxttrak zannvai asa, oxem nhoi, punn Sorvespor Apunnuch borem tem dita. Aplê khuxê pormannem to mon'xak voir kaddta, ani taka mel'leanchea khon-ddant khala apttita. Mhonnttôch, mhojea puta he updes monant dhôr ani tujea kallzantle pusun vochunk dium naka.
20. `Atam puta hanvem tuka ek sangchem asa, hanvem dha rupea-nanne Gabaela kodde dovorleat, to Gabriasacho put ani Rhages nanvachea Media ganvant jieta.
21. Ami gorib zaleanv mhonn bhieum naka. Devachê bhirantin jieum-xi, sorvoi vankddeponn vattai-xi ani Sorvesporak mandta tench korunk sôdxi zalear, girestkai tuji zatoli.'
