1. Ani tinnem aplim dukham puslim.
Bhurgo duta sangata bhair sorlo ani sunnem tanchê pattlean gelem. Dogui fuddem cholot ravle ani sanz zali tedna Tigris nhoiche deger te vostek ravle.
3. Aple pai dhuvunk bhurgo nhoi-xim gel'lo tedna, êkê vhoddlê masllien uddki marli ani tacho pai gillunk sôdtali. Bhurgean killonch marli
4. ani dutan mhollem, `Ti maslli dhôr, tika vochunk dinaka.' Bhurgean maslli dhôrli ani kinarer ôddun haddli.
5. Dutan mhollem, `Ti chir, pint, kalliz ani iakrat kaddun kuxin dovor ani zolliô bhair uddoi; kiteak, pint, kalliz ani iakrat pekhounnek upkartat.'
6. Bhurgean maslli chirli ani pint, kalliz ani iakrat kaddun kuxin dovorlim. Ilem masllechem mas bazun khavunk dovorlem ani urlolem mittak marlem. Uprant, sangatak te Media ganvak lagim pavosôr cholot gele.
7. Tedna bhurgean dutak ho vichar kelo, `Azarias bhava, masllechem kalliz, iakrat ani pint kitem pekhoita?'
8. Tannem portipall kelo, `Masllechem kalliz ani iakrat ulpaixi zalear tancho dunvor devchar boslolea vô vaittovo otmo laglolea mon'xak boro korta, ani toslem nanch zata, toslem portun zaupak dina.
9. Ani pint dolleank doveô tikleô poddot zalear laitat ani uprant funk marlear puro, tikleô pekhtat.'
10. Te Media bhitôr sorlole, ani Ekbatana lagsar paulole,
11. tedna Rafaelan bhur-geak mhollem, `Tobias bhava', Tannem zobab dilo, `Kitem zalem?' Dutan mhollem, `Aichi rat ami Raguelager sarunk zai. To tuzo soiro poddta. Taka êk Sara nanvachi dhuv asa,
12. punn tichê bhair anink taka put vô dhuv na. Tum ticho lagxilo soiro mhonnttôch, dusream poros odik ticher ani tichea daizacher tuka hok'k asa. Ti bhov sundôr ani xanni ani bapaichê chodd opurbaiechi.
13. Tichê lagim logn zaunk tuka sotea asa. Aik, bhava, aiz sanjê hanv tichê vixim tichea bapai kodde uloitolom ani tinnem tuka lognachem utor diunk bondapost kortolom, ani ami Rhages thaun portun ietana tumchem logn korum ieta. Hanv tuka sot sangtam, Raguelan tuka na mhunnunk vô tika dusreak konnakuch diunk zaina. Tujê soirigotê vorvim tuka poili sotea asa mhunn zanna zaunui, tannem toxem kelear Moizesachea Pustoka porma-nnem taka moronn favo zatolem. Mhonnttôch bhava aik, aichêch sanjê ami choliê vixim uloum-ia ani ticho hat tuka di mhonn magum-ia. Ami Rhages thaun portun ietanv tedna tika amchea sangata ghora vhorumia.'
14. Tobiasan Rafaelak zobab dilo, `Azarias bhava, hanvem aikolam tika sat pavtti logn korunk dil'li ani satui pavtti lognachea kuddant ticho novro mela. Ani devchar tancho jiv kaddta mhonn hanvem lok mhonntta tem aiko-lam.
15. Ani hem mhaka bhem' haddta. Devchar tika vaitt korina, karonn to tichi opurbai korta, punn jedna dadlo tika hat lavunk sôdta to taka jivexim marta. Hanv mhojea bapaicho ekloch put ani morunk mhaka khuxi na. Mhojea avoi-bapain aplem urlolem jivit mhojer dukham golloun sarlolem mhaka naka, tankam matiek lavunk anink dusro put na.'
16. Dutan mhollem, `Bhava, tujea bapaichi budh tum visorlai? Aplê kulliechi potin venchun kadd mhônn tannem tuka sangunk na? Mhonnttôch bhava, mhojem aik. Devcharak lagon husko korum naka. Tika tuji korun ghe. Hanv tuka utor ditam, aichêch sanjê ti tuji potin zatoli.
17. Ani lognachea kuddant bhitôr sortana ilo masllechea kallzacho ani iakratacho kuddko, lastolea dhumpacher ghal. Tachi gann voir sortoli ani
18. devchar to vas gheun pollun vetolo, anink kednach tichê-xim ieuncho na. Uprant ekttai nhidchê adim, tumi dogai ubim ravun prarthon korat. Apli kurpa tumkam diuncheak ani tumcho samball korcheak, Sorvespora kodde magat. Bhienaka, mullinch thaun ti tuka kuxin kaddun dovorloli asa, ani tum tichi rakhonn kortolo ani ti tujê borabor vetoli. Ti tuka bhurgim ditoli jim tujim bhav-bhoinn zal'lê porim vaddtolim, oso mhozo somoz. Husko kori naka.' Jedna Tobiasan Rafaelachim utram aikolim ani ti bapaichê kulliê vatten apli soiri mhonn taka gomlem, tedna to tichea khôl mogant poddlo ani tachem kalliz tichê sovem oddon gelem.
