1. II : TOBIT KUDD'DDO ZATA Esarhaddon raza aslo tedna, hanv mhojea ghora portun ailom ani mhoji potin Anna ani mhozo put Tobias mhaka porot mell'llim. Pon'nasavea Di-sachea porbê disa (mhonngê Satollean-chê porbê somoim) ek borem jevonn mhaka toiar kelem. Hanv jevnnak boslom.
2. Jevnnache khub jin'nos asle te polleun hanvem mhojea puta Tobìasak mhollem, `Voch, mhojea puta, ani Nine-vehnt nirvaxit kel'lea amchea bhavam modlea ozun Sorvesporak visvaxi ravlolea eka goribak apoun hadd. Hanv tuka hangach ravtam.'
3. Amchea bhavam modem eka goribak sôdunk Tobìas gelo, ani porto ieun tannem mhollem, `Bapa!' Hanvem zobab dilo, `Kitem zalem, puta?' Tobiasan sanglem, `Bapa, amchea lokachea eka putak jivexim marla ani nakear uddoila; to ozun thoim asa.'
4. Jevonn chakunk porian nastana, hanv suddsuddit utthun gelom ani tea mon'xachem moddem bazarant-lem kaddlem ani mhojea eka kuddant ghalem ani purchê khatir dis dharir po-ddo porian thoim tem dovorlem.
5. Porot ailom ani mhoje hat dhuun dukhamnim jevlom;
6. tedna Bethela vixim Amos provadi uloila tea utrancho, mhaka ugddas ailo:`Tumcheô porbô sompun, tumcher ietolem dukh,sogllea gitam-gaionanchê svater astolo vilap!'
7. Ani hanv roddlom. Dis poddtôch hanv gelom ani êk fondd kaddun hanvem taka thoim purlo.
8. Moskoriô korun mhojea sezariamnim mhollem, `Polleiat, to konnakuch bhiena.' (Oslêch kornnek lagun adim taka marunk sôdtale). `Pattlê pavtti taka pollun vechem poddlem, punn polleiat to novean hanga meloleank purta.'
9. Meloleak purun ailom têch rati, hanv mello aslom dekhun razang-nnachê vonttik tenkun add poddlom. Gormek lagun hanvem mhojem tondd dham-punk na.
10. Vonntir mhojê tokliê voir pakollim asat mhonn mhaka khobor nasli. Tancho mêll mhojea dolleamnim poddlo ani dolleancher sai aili. Mhaka voizanger vechem poddlem. Punn jitle te vokhod ditale, titlo hanv chôdd kudd'ddo zatalom ani xevttak hanv sarkoch kudd'ddo zalom. Char vorsam porian hanv dixtt nastana urlom. Sogllea mhojea bhavam-bhoinnink mhaka lagun khont bhògli. Elimais ganvant vocho-sôr Ahikaran don vorsam porian mhozo poramôs kelo.
11. Tedna Anna mhoji bail xivonn-sut korunk lagli.
12. Korunk laitalim titleô-i vostu ti tanger pavoitali ani uprant tim tika farik kortalim. Ekdam, Distros mhoi-neachea satvea disa, xinvunk dil'lem tem tinnem toiar kelem ani dhoniak pavoilem ani tannim tichi mozuri farik korchê-korun jev-nnak mhonn tika êk bôkuddlo dilo.
13. Bôkuddlo ghorant pavtôch roddunk laglo. Mhojê bailek hanvem apoili ani vicharlem, `Ho khoincho haddlai? Chorun ba haddunk naim mum? Choriecho zalear, vegim to tachea dhoniak portun di, kiteak chor-loleô vostu khaunk pochonant.'
14. Ti-nnem mhollem, `Chorun haddunk na, mhojea kamache farik korchê-korun ek dennem koxem to mhaka dila.' Hanv tichem sot mandinaslom ani tem dhoniak portunk diunk laitalom. Ani hea pasot hanv ticher tiddtalom. Xekim tapon tinnem mhollem, `Tuji bhikxa khoim pavli atam? Ani tujea borea kornniank koslo fôll mell'lo? Tujem sogllem atam soglleank gomlem.'
