1. Ani tannem mhollem: Sasnnak jietolea Devak vakhann'nni,Tachem raj sorvkall togta!
2. To khast laita ani toch bhogxitaTo norkant xevttitaani toch sasnnachea odruxttantle tankam suttoitakonnacheanuch tachea hatantlo suttunk zaina.
3. Tumi Israelachea putam-dhuvamnôraxttram mukhar tachi vakhann'nni korattôr tannem tumkam tanchê modem ximpddaileatthoim pasun tannem tumkam apli vhoddvi dakhoilea.
4. Sorvoi jiveam hujir taka vakhann'nnatTo Sorvespor amcho Dev;To amcho bapui ani Dev sasnna-sasnnak!
5. Tumchea guneanvank lagonTannem tumkam khast lailiPunn novean To tumchi doia kortoloJea raxttram modem tumi ximpoddlolim asat,thoinsorlim To tumkam ektthaim kortolo.
6. Sogllea tumchea kallzan ani atmeantumi Tachê-xim portun iexat zalear,ani Tachê nodrê mukhar borem tem korxatZalear To tumchê-xim porot ietolo.Anink-anink aplem mukhamoll tumkam lipouncho na.Tumchê khatir Tannem kitem kelam tem vollkhun gheiatVhoddlea tallean Tachi vakhann'nni korat.Promannik Devachi tust koratani sasnnik Raiak nanvaddat.Nirvaxi zalam tea desantmhojê ostongim hanv taka vakhann'tam.Tachi podvi ani vhoddponnpatki raxttrak hanv kolloitam.Patkeamnô, Tachê-xim portun ieiatTachê mukhar borem tem korat.Ghoddiê To tumchê sovem doiall zatoloani To tumchi kaklut kortolo.
7. Hanv zalear mhojea Devak vakhann'tamani mhozo jiv Sorginchea Raza vixim murgott'ta.
8. Sogott Tachê mhoimechi khobor korumani Jerusaleant Tachi stuti gavum.
9. Jerusalea, Povitr XaraDevan tujea vankddea kortubank lagunTuka khast laileatorui To promannik mon'xanchea putam-dhuvanchi doia kortolo.
10. Sorvespor boro dekhun, Tachi vakhann'nni kôr,ani sasnnachea Raiachi tust kôr.Oso Tacho tombu tumchê modem khuxalkaien bandun ietoloTumchê modem aslolea dôr-eka nirvaxitak To buzvonn dium,ani tumchê modem aslolea sorvoi nirbhagiankPillgechea pillgank To opurbai dakhoum.
11. Loklokit uzvaddak'khê prithvecher chokchoktolo;ani zaitim raxttram pois thaun, Tujê-xim ietolim;Sorvesporachea nanva khatirPrithvechê ximê thaun ietolimSorginchea Raza pasot,aplea hatamnim danam haddtolim.Tujê bhitôr pillgechi pillgaapli khuxalkai porgôtt'toliani venchun kaddlolea xarachem nanvsasnnak togtolem.
12. Tumcho okman kortoleancher xirap poddumTumchem nisontton kortoleancherTumchim durgam môddun uddoitoleancherTumche gopur sokla uddoitoleancherTumchim ghoram lastoleancher xirap poddum.Punn tumkam portun bandun haddta, to sasnnak sudoiv zaum.
13. Promannik mon'xam khatir, tum sontosan murgott'toleimkaronn tim sogllim ektthaim zatolimani kalla-iuganchea Devak vakhann'tolim.
14. Tuzo môg kortat ani tujea zoitant sontostat tim subhagiTujea odruxttant, tujea sangata roddtat tim subhagi;Tim tujê borabor sontostolim,Sasnnachea-sasnnak Tuji mhoima polletolim
15. Mhozo otmo Sorvesporak, Vortea Raiak dhin'vasta
16. kiteak Jeruzalem tachem ghor koxemsasnnachea-sasnnak novean bandun ietolem.Tuzo voibhov bhôgunkani Sorginchea Raiak vakhann'nnunkmhojea ghoranneantlo konnui eklopavot zalear hanv kitlo bhagiJerusaleache darvontte nilmonnin ani pachun bandtole, ani soglleô tujeô vonnteô moladik fatramnim bandtole.Jerusaleache gopur bhangarache bandtoleani tache kil'le xud'dh bhangarache.
17. Jerusaleache roste mannkamnim aniofirachea fatramnim manddlole astole;Jerusaleache darvonttekhuxalkaiechea gitamnim gaztole;Ani thoinchim sogllim ghoram mhonnttolim:`Sorvesporak zoi! Israelachea Devak vakhann'nni!'Tujê bhitor, Tachem povitr Nanv vakhann'tolesasnnachea sasnnak.
