1. Mhojea dukhant hanv roddunk laglom ani vilap sôddun hanvem oxem magnnem kelem:
2. Sorvespora, Tum promannikani Tujeô kornniô-i promannikponnacheô.Soglleô Tujeô vattô kaklut ani sot,ani Tum nitivont Nitidar,ani Tuje nivadde sodanch nitiche.
3. Dekhun, Sorvespora, mhozo ugddas kôr,doien mhojer nodor ghal.Ani mhojea patkank lagunani Tujea dolleam mukhar nennarponnan kel'lea chukim pasot,toxench mhojea purvozanchea-i chukim pasot,mhaka khast lavum naka.
4. Ami Tujer patok kelamani tujeô adnia môddleat;amchem luttun vhorunk Tunvem nirmileim,gulam'ponnachê ani mornnachê svadhin Tunvem amkam kelim-i.Amkam Tunvem ximpddailim-i tea sogllea raxttram modemkhobrancho, khebddancho ani kenddnniancho mhalami zaunk Tunvem nirmileim.
5. Tuje kaide ami pallunk nant,na mhonn Tujê mukhar sota pormannem ami cholunk nanv;dekhun mhojea chukim pasotani mhojea purvozanchea patkam pasotamkam favo ti khast laitai tedna,soglle Tuje nivadde sarke.
6. Dekhun atam mhojê sorim Tuka zai tem kôr;Tujê khuxê pormannem mhozo prann kadd!Hea sonvsarantlo bhair sorunportun hanv dhul'lint vochunk sôdtam.Kiteak jieunchê poros melear mhaka odik borem.Bextteôch mhojeô kenddnniô-moskoriô kortat,dekhun bhov vhodd mhojem dukh!Sorvespora, Tujea hukumanhea dukhantlo hanv sutt'tolom mhonn ravtam.Mhojea sasnnachea ghora mhaka vochum-di;mhojê veli Tuji nodor kaddum naka.' III : SARA
7. Teach disa Mediechea Ekbatana ganvant Sarak, Raguelachê dhuvek oxem ghòddlem: tichea bapaichê chakornin tika opmanail'li.
8. Tika sat pavtti logn kel'li, ani Asmodeusan, hea soglleam-von paxtt devcharan, tichea nhovreank eka-pattlean ekak tichê lagim ghov-bail koxim ekvottchê adinch jivexim marlole. Chakornin mhollem, `Hôi, tujea ghovank tunvench jivexim marleai! Tuka sat ghov asle ani ekleai sovem tuka dhadosponn bhôgunk mellonk na.
9. Tôr tum amkam kiteak tras ditai? Te mele dekhun? Tanchê borabor tum-i mor. Tuka put, na mhonn dhuv porian zolmololi polleunk ami urona zaum.'
10. Hem aikun, tea disa ti khon-tint buddli ani aplea bapaichea voilea kuddant vochun thoim gôll gheunk ti sôdtali. Punn tinnem apnnanch bhitôr mhollem, `Na! Lôk hea kornniancho zobabdar mhojea bapaik korun, taka oxem mhonnttolim, "Tuka fokot êk opurbaiechi dhuv asli punn durdoivan tinnem gôll ghetlo." Mhatar piraier mhojean mhojea bapaik dukh diunk zaina. Hanvem oxem kelear, to fonddant pavunk khoro. Hanv gôll ghena zalear odik borem. Punn mhojea jivitant kenddnniô aikunchê svater, mhojer moronn dhadd mhonn Sorvespora lagim maglear chodd borem.'
11. Oxem chintun, zonela vatten vollun ani aple hat vistarun tinnem hem prarthon kelem:<p aligncenter Tum sodoiv, Kaklutsara Deva!Tujem nanv sodam sorvodam sodoiv zaum,ani tuji sorvoi rochnatuka sasnnak dhin'vasum!
12. Ani atam Tujê-xim vollunmhoje dolle tuka ubartam
13. Tujea utran mhaka sonvsarantli kaddun uddoimhojean anink okmanachim utram aikunk zaina.
14. Saiba, hanv nirmôll mhonnTum zannoi;khoincheach dadlea lagim hanvem sombond zôddunk na;
15. Hea pordesat tujea vô mhojea bapaichea nanvachihanvem beporva korunk na.Mhojea bapaichi hanv eklich dhuvtaka anink dusro daiji nazaka hanv ravunk favo,taka anink bhav naekui soiro porian na.Sat ghov aiz porian ibadd zaleanink kiteak hanv jivim ravunk zai?Tôr mhozo jiv kaddunk tuji khuxi nhoizalear doien mhojer nodor ghal;ani anink-anink abru kaddtolim utram hanvem aikunk nirmum naka.
16. Hê pavtti tanchem dogaichem magnnem borabor Devachê mhoimê mukhar pavlem, ani dogaichea gorzank pavunk Devan Rafaelak pattoilo.
17. Ta-nnem aplea dolleamnim Devacho uz-vadd polleun, tannem Tobitachea dolleancheô doveô tikleô kaddunk zai asleô. Ani Sara, Raguelachê dhuvek tannem Tobias, Tobitachea putak vhon-kol korun diunk zai asli ani tika As-modeus, soglleam-von paxtt devchara-chea tabeantli, tika suttounk zai asli. Anink konnank nhoi punn ekleach Tobiasak soten ti favo asli. Tobit aplea tarangonantlo gharant porot ietalo teach vellar, Raguelachi dhuv, Sara aplea voilea kuddantli sokla denvtali.
