1. Hi Tobitachi kotha. Tobit Tobielacho put, ho Ananielacho, Ananiel Aduelacho put, ho Gabaielacho, ani ho Gabaiel Asielachê sonstintlo ani Nef-talichê kulliecho,
2. Shalmaneser Asirie-chea razachea disamnim Thisbe thaun Tobitak nirvaxit korun haddlo. Thisbe mhollear voilea Galileia prantant, Hazora voir, Kedesh-Naftalichê dokhinnek, Shefatachê ut'torek, matxe ostomtê vatten urta. I : TOBIT NIRVAX
3. Sogllea mhojea jivitant hanv sotachi ani borea kortubanchi vatt chol'lam. Mhojê bhaxen, Nineveh, Assiriechea ganvant, nirvaxi zal'lea bhavank ani ganvchea lokak hanvem udarponan bhik dili.
4. Mhojea bhurgeponnar, jedna hanv mhojea ganv ghora Israelant aslom tedna mhojea purvozanchem ak'kem kull Naftali Davidachea Ghora-nnea ani Jerusalea xara sorxilem koddsorlem. Israelachea sogllea kullam modem bolidan bhettounk, hea xarak venchun kaddlolem.
5. Hea zagear devmondir - Devachem nivas-sthan bandlolem ani sorv kallank sonvs-karlolem.
6. Ak'khea Israelak sorvodam lagu zata ti Israelachi somurt pallunk sobar pavtti Jerusaleak iatra korcheak hanv ekloch zatalom. Prothom' follam ani zonavoram, gorvancho dhavo vantto ani men-ddreachi poili lonv gheun, hanv vegim-vegim Jerusaleak vetalom.
7. Ani hem sogllem vedir dovorchê pasot iadnikan-chea, Aaronachea putanchea hatant ghaltalom. Jerusaleant seva kortolea Levitank soreacho ani orovacho, zoitunacho, dallimbancho ani her follancho dhavo vantto ditalom. Sôv vorsam, ekui chukoinastana, Jerusaleak vochun hanv dusrê pavtt duddvancho dhavo vantto farik kortalom.
8. Tisro vantto onathank, vidvank ani Israela modem jietolea videxank ditalom. Dôr-eka tisrea vorsa hem dennem tankam ditalom. Jevnna-khannan amchea pur-voza Ananielachê avoichê xikovnnê pormannem chol'leanv kiteak mhozo bapui sorlolo ani mhaka onath dovor-lolo.
9. Pirai bhortôch, hanvem amchêch kulliechea Anna-k mhoji potin keli. Tichê udexim mhaka êk put zolmolo ani haka hanvem Tobias nanv dovorlem.
10. Assiria ganvant nirvaxi zaunchem poddlem tedna, mhaka Nineveh vhelo.
11. Mhojea sorvoi bhavamnim ani kulliechea lokan onbhavarthianchem khann khavunk suru kelem,
12. punn mhojê vatten hanvem tem vattailem.
13. Ani jedna sogllea mhojea kallzan, hanv mhojea Devak visvaxi ravlom, Sorvesporan mhaka Shalmanezera sovem upkar dakhoilo ani tannem mhaka apnnak goroz teô vostu vikteô ghevpa-chem kam' dilem.
14. To morover hanv Media vetalom ani razachea nanvan vevhar choloitalom. Hanvem dha nanneachea molache, rupean bhorlole pote, Gabaelachea thabeant dovorle. To Mediachea, Rhagesant ravpi, Gabria-sacho bhav zaun aslo.
15. Shalmanezer mortôch, tacho put Sennakerib raza zalo. Mediache roste bond kele ani mhojean anink thoim vochunk zalem na.
16. Shalmanezera-chea disamnim hanvem mhojê kullie-chea lokak zaitê pavtti bhik ghatloli.
17. Mhozo unddo hanvem bhukel'leank dil'lo ani vinglliank mhojim angvostram. Ani amchê porjechea lokachim moddim Ninevehchea durgam voilean uddoilo-lim dekhlim zalear, hanv vochun tim matiek laitalom.
18. Sennakeriban jivexim marlolean-chim-i moddim, hanv vochun purtalom. Sorvesporan tachea devnindank lagon, Sennakeribak khast lailea uprant, Ju-deiacho nasadi zaun pollun ietalo tedna, tannem ragan khub Israelitank jivexim marun uddoile. Tanchim moddim hanvem chorun haddlim ani matiek lailim. Sennakerib tim moddim sôdtalo, taka tim mellona zalim.
19. Konn eka Ninevehchea nagrikan vochun hanvem tim lip-choriam purleant mhonn razak sangun dilem. Jedna razak mhoji khobor pavli ani mhaka marunk sôdtat mhonn mhaka koll'lem, tedna mhojer bhirant aili ani hanv pollun gelom.
20. Mhojem sorvoi bhatt-bens kaddun vhelem, tizori zopt keli ani kaich mhaka dovorlem na, fokot mhoji potin Anna ani mhozo put Tobias.
21. Hachê uprant challis dis zaina fuddem razak tachea dogam putamnim jivexim marlo ani Ararat dongrancher pollun gele. Esarhaddon nanvacho put, tachê uprant raza zalo. Anael mhojea bhavacho put Ahikarak duddvancho karbhari nemlo ani ak'khea rajeant pro-xason cholounk taka podvi dili.
22. Ahi-karan mhojê khatir magnnem kelem ani Ninevehnt portun ieunk mhaka rojea mell'li. Sennakerib Assiriecho raza jivo astana Ahikar tacho mukhel kop-vhorpi aslo, toch xik'ko rakhtalo ani proxasok ani bhanddari aslo. Hea pasot Esarha-ddonan taka dovorlolo. Ani to mhozo soiro, mhozo bacho zaun aslo.
