1. Jevlea-khelea uprant, nhidonk vecho vêll zatôch tornnatteak nhidpachea kuddant vhelo.
2. Tea vellar Tobiasak Rafaelachea utrancho ugddas ailo; tannem apli poti ukti keli ani tantlem masllechem kalliz ani iakrat kaddlem, hancho ilo kuddko kaplo ani zollttea dhumpacher ghalo.
3. Masllechi ghannink lagon devchar Ejiptachea oronneant pollun gelo ani Rafaelan taka bandun ghalo ani mudd'ddun marlo.
4. Itlea mhonnosor avoi-bapui kuddant-lim bhair gelim ani tanchê pattlean dar bond kelem. Tobias kattiê voilo utthlo ani Sarak mhollem, `Mhojê bhoinni, utth, Sorvesporachi doia ani rakhonn amchê voir asunk ami magnnem korum-ia.'
5. Ti utthli ani tim do-gam-i magnnem korunk laglim, ani tannem oxem suru kelem:<p aligncenter Mhoima Tuka, amchea purvozanchea Deva!Sasnnachea sasnnak Tujea Nanvak mhoima!Sôrg ani Tunvem rochloleô soglleô vostuTuka mhoima dium sasnnachea sasnnak!6 Adanvak Tunvench rochloi,Tachi sangatin ani adarin zaunkEvek-ui Tunvench rochlii;ani hea dogam-i thaun mon'xakull upzolem.Tunvench mholleim:<i>Dadlo eklo aslear borem nhoi;tachê sarki taka êk sangatin korun dium-ia.</i>7 Mhonnttôch kuddichê vondovnnek lagunhanv mhojê bhoinnik mhojê adhin korina;punn promannik kallzan hanv hem korta.Bholeponnan tichi ani mhoji doia kôrani ami utar piraiek pavo-xem kôr.
8. Ani dogainim borabor mhollem, `Amen, Amen!'
9. ani tim nhidunk gelim.Punn sokallim utthtana Raguelan aplea chakrank apoile ani tankam fondd kaddunk lailo.
10. To chint'talo, `Gho-ddiê ho-i morot ani ami kenn'niancho mhal zait.'
11. Fondd toiar zatôch, Raguel ghorant bhitôr gelo ani aplê bailêk
12. apoun mhollem, `ekê chakor-nnik kuddant dhadd ani Tobias ozun jivo asa zalear khobor ghe. Punn To mela zalear, konnak kollo nastana taka ami purunk xoktoleanv.'
13. Tinnem chakornik dhaddli, hinnem divo pettoilo, dar ugôddlem ani kuddant geli. Tika tim dogai sust nhidlolim mell'llim.
14. Ti bhair aili ani tinnem lohu tallean mhollem, `to morunk na, sogllem borem asa.'
15. Tedna Raguelan Sorvesporak hea utramnim vakhannlo:Sorvespora Tuka vakhann'nniSogllem nirmoll ani povitr tem Tuka vakhannumTunvem vinchun kaddlolim somest tuka vakhannum,Sodankal Tuji stuti korum!
16. Tuka vakhann'nni kiteak Tunvem mhaka sontosan bhôrleaiJem ghoddtolem mhonn bhietalom,tem Tunvem ghoddonk diunk naimPortench zalear Tuji oprimit doia,Tunvem amkam dakhoili.
17. Tuka vakhann'nni kiteak heaTujea malgoddea puta-dhuvechiTunvem doia keliDhonia Tuji kaklut ani mozôt tankam diKhuxalkaien ani doiallaien tanchem jivit sopurnnaiek pavum!
18. Ani fantem zaunchê adim, tannem sevokank to fondd purunk lailo.
19. Tannem aplê bailek zaite undde bazunk laile; apunn gotteant gelo ani don padde ani char xelliô haddleô ani teô marun randunk laileô ani utsovak toiari suru zali.
20. Tannem Tobiasak apoilo ani mhollem, `Chovda dis tunvem hangasorlo vechem nhoi. Tunvem mhojê borabor khaun-pieun ho vêll sarcho ani niraxi zal'lê mhojê dhuvek sontôs haddcho.
21. Uprant mhojea daizacho ordo vantto ghe ani tika surokxitponnim tujea bapai-xim vhor. Mhoji potin ani hanv somptôch, dusro-i vantto tuzo zatolo. Dhir ghe, mhojea puta! Hanv tuzo bapui, ani Edna tuji avoi. Ani zoxim ami tujê bhoinnichim avoi-bapui toxinch tujim. Dhir ghe, mhojea puta!'
