1. Ieiat, Sorvespora-xim portun vochum-ia. Tannem amche kuddkean'-kuddke keleat, punn To amkam borim kortolo; Tannem amkam mar ghala, punn To amche ghai bandtolo.
2. Eka vô don disam bhitôr To amkam novean jiv ditolo, tisrea disa To amkam utthoitolo ani ami Tachê mureant jietoleanv.
3. Sorvesporachi vollokh gheum-ia, Tachi vollokh gheunk sogllem mon lavum-ia; fantea porim To dubavavinn udeun ietoloch; pavsacheô dhoddkô ietat toxeô To amchê-xim ietolo, zomin ximptolea vosontachea pavsa bhaxen.
4. Efraima, Hanv tuka kitem mhonn korum? Juda, kitem mhonn korum Hanv tuka? Tuzo môg mhollear êkê sokallchê dhunvrê bhaxen, rokddoch na zatolea dhova sarko.
5. Hea khatir provadiam vorvim tanche Hanvem kuddkean'-kuddke kele, Mhojea tonddantlea utrammnim tankam Hanvem jivexim marun uddoilim. Fantea porim Mhozo niticho nirnnoi bhogbhogun porzolltolo,
6. kiteak Mhaka iôdn naka, visvaxi môg zai, hom' nakat, Devachi vollokh zai!
7. Punn Adanva bhaxen tãnnim korar môddlo, tim Mhaka ovisvaxi zalim.
8. Gilead mhollear khottea mon'xanchem xar, rogot vikraitoleanchea pãiamnim mostil'lem.
9. Konnacher-ui ghuri ghalpa khatir doddeak ravlolea choram bhaxen iadnikancho êk pongôdd Shekhemachea rostear khun korta. Kitli mhonn noxtti hi vagnnuk, khorench nanv hogddavpachi!
10. Israelachea Ghoranneant êk kanttalleachi vôst Hanvem dekhlea; thoim Efraim' xindollki korta ani Israel bhoxttol'lo asa.
11. Tuka-i, Juda, pik dovorlolem asa. Jedna Hanv Mhojê porjecher novean sukh-sontosache dis haddunk sôdtam,
