1. Sorvesporan mhaka sanglem: 'Aniêk pavtt voch, dusrea dadleachea mogant poddlolê tujê bailek, hê pordvarinnik, tuzo môg di; Israelachi porza dusream devam-xim veta ani tankam bhettoil'lea kismisanchea pollian-cho ti môg korta, tori Sorvespor ticho môg korta; toxench tum tujê bailecho môg kôr.'
2. Mhonnun rupeache pondra Shekel ani zovacho êk homer diun ,hanvem tika vikti ghetli,
3. Ani havem tika mhollem: 'Zaite dis, xindollki korinastana vô tuji kudd khoincheach dusrea dadleak dinastana, mhoji vatt polleun tum eksurponnant ravuk zai; ani hanv-ui tosoch tuka ravtolom'.
4. Israelachi porza zaite dis, raza vô fuddari nastana, hôm' vô povitr khambo nastanam, efod vô ghorcheô murti nastana, eksurponnant astoli;
5. punn tea uprant, Israelachi porza portun ietoli. Ti Sorvesporak aplea Devak ani aplea raza Davidak sôdtoli; ti koddkoddun Sorvespora-xim ietoli, tea nimannea disamnim Tachea bholeponnache upkar ti sôdunk ietoli.
