1. Hanvem mhojem mon laun hacher chintlem: Zannvik ani promannik mon'xachea kortubancher, tanchea moga ani ragacher legit Devacho tabo asa mhunnon mhaka kollon ailem, fuddem kitem zatolem tem konnakuch somzona.
2. Chodd ontor zaina, Môg ani ragui somzona. Boreak toso vaittak, promannik toso noxtteak, dhormik toso odhormik mon'xak iodn ditat, Boreak toso patkeak, soput gheupeak: toso soput gheunk bhieupeak ekuch xevôtt ravta.
3. Soglleank ekuch nirmonn asop mhollear suria pondak ghoddtolem anink ek odruxtt. Torui astana mon'xachem kalliz noxtteponnan bhorlam. Amchea jivitan ani moro porian amchea kallzamnim pixeponn posorta.
4. Punn, sonvsarant jivo asa taka bhorvanso asta: Melolo xinv zanvchê suvater, jivo kutro zalear odik borem.
5. Jiveank apunn mortole mhunnon khobor asa. Punn, meloleank koslich khobor asona. Nhoi mhunnon tankam kosloch inam-ui mellona kiteak, tachê iadicher visôr poddla.
6. Tancho mog, tancho dusvas, tanchi kunn'nnattkai tanchê borabor sompli ani fuddarak sonvsarant ghoddta tantunt tankam kosloch vantto nastolo.
7. Dekhun, tuzo unddo sontosan kha, kallzachê khuxalkaien tuzo soro pie, Kiteak, Devak tujim kortubam manovleant.
8. Sogllea vellar, tujea angak dhove kopdde ani matheak pormollachem tel ghal.
9. Tum môg kortai tê bailê sangata tuje dis sar, Tuka Devan dilolea hea sonvsarantlea, nirfoll jivitantle soglle dis tujea purai nirfoll dis, Kiteak, tujea sonvsarantlea koxttanchem tuka fokt itlench melltolem.
10. Jem kitem tujea hatamnim korunk zata, tem tujea sogllea bollan kôr, Kiteak, tum vetai tea patallant vaur na, zoit na, ginean na, zannvai na, ievzonneom nant.
11. Sonvsarant hanvem anink ek pollelam: Vegan dhanvpi sodanch spordha jikhonant, Xoktivont sodanch zhuzant zoitivont zainant; xanneank sodanch jevonn mellonk pavona, Nhoi mhunnon budhvontank girestkai, Nhoi mhunnon zannarank upkar: Vêll ani sondhi soglleank asa.
12. Amcho vêll kedna ietolo tem amkam kednanch kollona: Okosmat obghati zallant xirkololea nustea bhaxen, Okosmat fasak sampoddlolea suknnea porim, amcher odruxtt ieta tedna ami-i fasak sampoddttanv.
13. Hanvem sonvsarant melloilolea zannvikaiechem hanv udharonn ditam. Ani tem mhaka mhotvachem dista.
14. Ek supurlench xar aslem. Thoim fokot thoddech lok asle. Eka podvedar razan tacher zhuz manddlem. Taka revaddo ghalo ani tannem tea xaracheô vontti môddpachi toiari keli.
15. Thoim êk gorib ruxi jietalo. Aplê ikmotin, tannem tem xar vattailem. Tachea mornna uprant konnench tachi iad kelina.
16. Dekhun hanv sangtam:- Zannvai murk bolla poros odik podvedar, Punn, goribachê zannvaiek mol asona: ani tachim utram konnuch aikona.
17. Xanttaien uloilolim zannaranchim utram, eka pixeanchea foujechea vhoddilachê bobatti poros odik borim aikunk ietat.
18. Zhuzachea iontram poros zannvai molachi, punn, eka patkeachean zaitea boreacho nas korum-ieta.
