1. Tujea tornnattponnachea disa, tujea Rochnnaracho ugddas kôr, Kiteak vaitt dis ieunchê asat; 'mhaka koslench sukh mellona', oxem mhonnpachim vorsam lagim pavleant;
2. suria-uzvadd, chondrim ani nokhetram kallkhim zaunchim asat, ani pausa uprant kupam portun ietolim;
3. Tedna ghor rakhtat te koddkoddtole, ani bollvont monis bagvotole, tedna bailô dollunk boscheô nant, kiteak tankam zonelantlean disacho uzvadd ieuncho na.
4. Ani bhailim daram dhamplolim astolim, tedna girnnicho avaz mond zatolo, sukhnneachi chinvchinvnni thambtoli, ani sogllim gaionam bond poddtolim;
5. Tedna dongrar choddun vochunk monis bhietole ani vatter legun cholunk thorthortole Tori badam'-zhadd ful'lam, tôll pott bhorun zôdd zala ani jhilkuttank follam zata; ani monis aplea sasnnachea ghora veta Ani rudon korpi rosteancher firtat;
6. Magir rupeachi dori tutt'toli, ani bhangarachi divli futt'toli, ani zhorint kollxeache zatole kuddke, ani bãichi gaddi mòddtoli:
7. Tedna dhul'l, êk pavtt zomnintli ail'li toxi zomnik portotoli, ani Devan dil'lo jiv Tachê-xim portun vetolo.
8. Polkeponnachem polkeponn, Upodexôk mhonntta, sogllench polkeponn.
9. Upodexôk êk zannar aslo tea bhair, apunn kitem zanna aslo tem tannem lokak xikoilem. Tannem mhonn'nneancho obheas kelo.
10. Promannikponnan tantlea sotachi porikxa keli. Sot vistarchê khatir Upodêxokan koxtt gheun ani mon bhulovnnê ritin, sotachim utram boroilim. Ani tea vorvim to sot xikoita.
11. Êk rakhnno aplea xelliank chorovpak ani vhorpak vapurtolea xintiam ani khunttiam bhaxen, zannkaranchim utram. Hea donuim vostuncho tea rakhnneak upeôg zata.
12. Tea xivai, mhojea puta, pustokam boroupak somponaslolo kotthin vaur poddta, ani titlem xikovp kuddik thokoita mhunnon, tunvem zanna zaunk zai.
13. Xekim, hachea uprant, hanv tuka ekuch sangtam. Devachi bhirant dhôr ani tache updes pall. Kiteak, tem zonn ekleachi zobabdari. Teach khatir, Devan mon'xak rochla.
14. Kiteak, sogllem jem amchea jivitant liplolem asa, titleim, zaum magir tim borim vô vaitt kortubam, tanchi Dev nit kortolo.
