1. Xannea mon'xa sarko konn asa? Tachê bogor, konn mon'xak tachi somzonni asa? Protek vostuchi khori somzonni fokt zannvikakuch asta, Zannvai tachea mukhamollar uzvadd haddta ani tachi khorkosai nivllaita.
2. Devachea bhasavnnê khatir razachea updesak pallo di,
3. Tanchê sorxilo pois vochum-naka; Gorjê-bhair taka borem disonasloleô vostu korunk fuddem soro-naka, Raza apnnak zai toxench kortolo.
4. Razachem utor Sorvpodvedar dekhun, taka konnacheanunch vicharunk zaina. Ani 'oxem kiteak kortai?' kai mhunnon Taka prosn korpak konnakuch tank na.
5. Tache updes pallta taka kainch vaitt zaunchena; kosli vost kedna ani koxi korpachi ti zannarak khobor asa.
6. Dôr-ekê vostuk favo to vêll asa; Punn, amkam kitem khobor asa
7. Kedna kitem ghoddttolem tem amkam khobor na, Ani tem amkam sangtoloi konnuch na.
8. Vareacher konnacheanuch tabo dovorunk zaina, Mornnachea disacher ani kallacher konnachoch tabo na. Nhoi mhunnon to khinn lambovpak zai na. Hea zhuzant suttka na, Noxtteponnachean noxtteponn adarpachem vattaunk zaina.
9. Hea sonvsarant ghoddtolea vostuncher borê bhaxen nihall kelea uprant mhaka ek kollon ailam, sonvsarant thoddeach lokank podvi asta, ani urlole tanchea xeka thala koxttovtat.
10. Hoi, noxtteam mon'xank fonddamnim puroilole hanvem polleleat ximitirintlean portotana, tannem noxtteponn kelolea xarantle lokuch meloleachi thoknnai kortole hanvem pollelam; kedem pixeponn!
11. Favo titlê taktiken opradheank xikxea mellona dekhun, mon'xachim kallzam vaitt adarpachea khoxen upott bhortat.
12. Zo patki xembor pavtti patok adarlam astanaim zôr Devak bhieta, taka Dev boreô vostu rakhun dovorta.
13. Punn noxtteachem, to Devak bhiena dekhun borem zaunchena, tachem jivit savllê vori, te aplea tornnattponnar mortat.
14. Anink ek polkeponn sonvsarant ghoddta: zaitê pavtti borea mon'xak khast ani noxtteak inam' favo zata. Mhaka zalear, hi anink êk polkeponnachi khunna.
15. Jevpant, khavpant pievpant ani dhadosponnant mon'xachi khuxalkai asa dekhun hanv khuxalkaiek porkhonddtam kiteak Devan dilolea jivitachea kallant tannem apunn koxttovtana hem tori korunk zai.
16. Jedna-jedna mhojem mon laun hanv hea sonvsarant ghoddta tachi zannvai sôdit ravlom, tedna mhaka sot kollon ailem, tum dis ani rat tuje dolle dhampina astana zago rav.
17. Torui Dev kitem korta tem tuka matui somzuchem na. Tum kitloi proitn kôr. Punn, tuka kednach kollchem na. Xannom lôk apunn sogllem zannam mhonnttat. Punn, te kainch nokllo astat.
