1. Uloupak uttavôll korum naka. Devachea ghorant tujim utram mezun uloi. Mellot toxeô bhasaunneô korinaka kiteak, Dev sorgar ani tum sonvsarant asa.
2. Chodd huske kaddlear, chodd vaitt sopnam poddttat, zankpantlean pixeponnam uktim zatat.
3. Tunvem Devak angovnn kelear ti veginuch pall. Kiteak, Devak pixe avoddnant. Tuji angvonn pall.
4. Dekhun tunvem kortai mhollolem tem veginunch kôr. Angvonn pallunk naslolea poros, korunkuch naslear odik borem.
5. Tujê jibê vorvim guneanvkar zaum naka ani uprant hi mhoji chuk zali mhunnon sondexkarak sangonaka. Tujer ragar zaunk ani tunvem kelolea sogllea vaurachem nisontton korunk Devak kiteak ragar kortai?
6. Zaitê bhulintlean nirfollai ani zankok ieta. Dekun, Devak bhie.
7. Zôr eka ganvant goribak pillun tacher oneai zata, tôr ojap zaum naka kiteak, thoincho dôr eklea odhikarea voir tachea voilea odhikareachi ani tachê voir asloleachi nodor asta.
8. Punn xetant pikta tem soglleanchea faideak. Razak legit tê pikecho vantto mellta.
9. Duddvancho môg korta taka duddu pavona, Grest zaunk sôdta taka kednanch zai tem mellona; Hem-i nirfoll:
10. Khub veapar asta thoim, khub luchkam astat:
11. Jitlo tum grest zatai, titlo tunvem odik lokak poscho poddtta tuka fokt apunn grest zalam mhonnpachem somadhan mat zata. Eka vauraddeak pottbor jevunk nasot. Punn, taka xant ani huskea meklli nhid poddta. Grestak itli grestkai asta, ki tichea huskean taka mat-ui jhem poddona.
12. Hea sonvsarant, suria pondak, hanvem anink êk konnixttai pollelea. Fokt dolle-bor pollevpa xivai, taka aplea nofeacho koslo faido zata?
13. Aplea gorjechea vellar vapurpak, lôk apleak girestkai ektthaitat ani kosleai tori vaitt prosongak lagon sompoitat. Taka êk put zolmota ani taka dovorpak hachê lagim kainch nasta.
14. Aplê avoichea kusveantlo to vingllo ailolo ani to vinglloch vetolo. Apnnem koxttamnim zoddloli ekui vost taka apnna borabor vhorpak mellona.
15. Anink êk vhôdd onit hanvem pollelea. Hôi to aila toso tannem vochunk zai; tôr itlei koxtt korun taka koslo faido zala? Vareak dhôrunk tachea fattlean dhanvlolea bhaxen?
16. Jedna to aple urlole dis kallokhant, poschatapan, zaitea dukhimnim, piddent ani sontapannim sarta?
17. Dekhun mhoji attapnni oxi: Devan dilolea jivit-bor apnnem jem kitem zôddlam tem khavop, pievop, jevop ani bhôgop. Hantunuch ki khorem dhadosponn mellta. Kiteak, hem tachem noxib.
18. Ani jedna konnakui Dev girestkai ani bhattam-bensam dita, taka tim bhôgpachi tank dita, ani vaur korpant dhadosponn dita. Hem ek Devachem dennem.
19. Kiteak, jitlo kall Dev tachem kalliz khuxalkaien bhôrta, tedna taka vêll sorta tem kollchench na.
