1. Tujem jevonn udkant sôdd, tem tuka zaitea disam uprant melltolem.
2. Tujê lagim asam tem sat-atth lokank vanttun di, Fuddarak tujer koslem odruxtt iet tem tujean sangunk zaina.
3. Pausan bhorlea uprant kupam dhortorer zhoddtolem. Zôr ek zhadd ut'torê vô dokhinnê vatten poddlem zalear tem poddlam thoinch urtolem.
4. Zo vareacho odmas gheit ravta, to kãich rovchona, zo kupancher nodor laun ravta, to kainch lunvchona.
5. Zoxem varem khoinchean sutt'ta tem ani ekê ostorechea kusveant, gorbh koso vaddtta tem tuka somzona: tech bhaxen sonvsarachea Rochnnar Devacho vaur tuka somzona.
6. Sokallim tujem bim vomp, sanz zata meren vaurpachem thambonaka, Kiteak, tumkam khoinchea kamant ies melltolo ti khobor na, hea kamant vô tea kamant vô donui kamamnim.
7. Uzvadd kitlo mhonvall, suriak polleunk kitlem borem dista!
8. Tujim sogllim vorsam tum dhadosponnan jie, Punn, kallkhache dis, chodd astole mhunnon tum ugddas dovor: Kiteak, xevottak tuka polkeponn ravta.
9. Tornnattea, tujea tornnattponnar khuxalbhorit jie, ani tujê tornnê piraier, tujem kalliz khuxalkaien ul'lasum. Tujea kallzachea otrekam pormannem jie, ani tujea dolleanchi axa xarthi pavoi, Punn hea sogllea kornniam pasot, Dev tuka nitik ubo kortolo mhonn, lokxant dhôr.
10. Tujea kallzantlo husko kadd, ani tujê kuddintli dukh pois kôr, tori tornnattponn kallea kensanchi pirai, polki boddai.
